د افغانستان ګرداب؛ د امريکا ددفاع وزير سخت بې ځوابه پاتې شو

خبريال وېبپاڼه: د افغانستان څخه د امریکا وتلو دا هېواد په بېلابېلو برخو کې د سخت وضعيت سره مخ کړی دی، ترټولو مهم دا چې د افغانستان څخه د وتلو وروسته په امريکا باندې د نړيوالو متحدينو باور کم شوی دی، نړیوال متحدین څه ان پخپله د امریکا په پوځ کې اوس ددې هېواد پوځيان په ځان د باور د کمښت سره مخ شوي دي.

افغانستان د امریکا سره په داسې يو ګرداب بدل شوی و چې نه اوس ورڅخه وتلی شوی او نه نور زور پکې پاتې و چې لامبو ووهي، خو اخر امریکا پریکړه وکړه چې په‌ دې ګرداب کې د پاتې کېدو پايله ډوبېدل دی ښه داده چې ځان وباسي.

تازه په دې اړوند د امريکا ددفاع وزير لويد استین څخه یوه خبریال پوښتنه کړې چې ايا د افغانستان څخه په راتلو پیښمانه دي که نه، هغه د اوږدې چوپتیا وروسته وویل متسف يم. استین وړاندې پخپلو وینا کې وویل چې غ افغانستان د وتلو بهير يې بريالي و ده وويل که څه هم لس ملکي ۱۳ نظامي آمريکايانو خپل ژوند له لاسه ورکړ خو په مقابل کې يې ۱۲۴ زره کسان وژغورل شول.

تر دې وړاندې د امريکا ولسمشر جوبایډن ويلي و چې په افغانستان کې ددوی بريالی و، دوی د القاعده مشر په سزا ورسوو، د افغانستان څخه نور امريکا ته ګواښ نه دی متوجې نوره اړتيا نه وه چې په افغانستان کې پاتې شي.

د افغانستان لپاره د امريکا ځانګړي استازي زلمي خليلزاد بيا پخپله یوه وینا کې ويلي و چې دوی طا، لبانو ته یوه شل کلنه سزا ورکړه هغوی به بيا هېڅکله د امريکا په ضد چاته ځای او امکانات ورنکړي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More