د امريکا د‌ځانګري استازي له لوري طا، لبانو نوی پيغام

خبريال وېبپاڼه: د افغانستان لپاره د امريکا ځانګړی استازی توماس وسټ وايي چې دوی په افغانستان کې موجود اقتصادي بحران ويني او په دې هم پوهېږي چې خلک د سختو اقتصادي شرايطو سره مخ دي خو ددې هرڅه سره سره بيا هم دوی د افغانستان شتمني نشي آزادولی او د طا، لبانو د حکومت د رسميت پېژندنې چاره نشي پيل کولی ترڅو چې تا، لبان ددوی شرايط ونه مني.

امريکا په داسې حال کې د بشري ناورين په صورت کې بيا هم د افغانستان د شتمنيو د بند ساتلو خبرې کوي چې ملګري ملتونه د افغانستان روان وضعیت د سختې اندیښنې وړ بولي، د افغانستان د شتمنيو بندولو ترټولو زيات تاثير د افغانستان په بانکي سيستم کړی دی او په افغانستان کې یې بانکونه د ډېرو سختو شرايطو سره مخ کړي دي، ان تر دې چې د ملګرو ملتونو يوې ادارې وويل چې که د افغانستان بانکي سيستم سره مرسته ونشي په شپږو مياشتو کې به د سقوط سره مخ شي.

که څه هم تر دې وړاندې امريکا ويلي و چې د افغانستان د بانکي سيستم د سقوط د مخنيوي لپاره په داسې لارو چارو غور کوي چې پرته له دې چې پيسې د تا، لبانو لاس ته ورشي دوی دې بانکونو ته یوه اندازه ډالر ورپمپ کړي، مګر تراوسه پورې د افغانستان د بانکونو سره دا ډول کومه همکاري په عملي ډول نه ده ترسره شوې.

امريکا د طا، لبانو د‌ حکومت لپاره ځینې شرطونه ایښي دي چې بايد د رسميت پېژندنې لپاره یې پوره کوي چې په هغه کې ټول شموله حکومت، د ښځو د کار او تعليم حق او د نړيوال تروريزم په وړاندې مبارزه ده. طا، لبانو بيا تراوسه پخپل حکومت کې ټول خلک د خپل صف کسان ګومارلي، د دولتي ډېری ادارو څخه يې ښځې رخصت کړي، په ډېری ولايتونو کې یې د ښځو ښوونځي تړلي او پوهنتونه هم بند شوي دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro