د پاکستاني تالبانو او پاکستاني حکومت د جګړې بيا پيل

خبریال وېب پاڼه : د پاکستاني تالبانو تحریک يا ټي ټي پي د پاکستان له حکومت سره یو میاشتنی اوربند پای ته ورسوه.

ټي ټي پي د افغان تالبانو په منځګړتوب د پاکستان له حکومت سره په مشروط ډول یو میاشتنی اوربند اعلان کړی و.

دوی وایي، چې د پاکستان حکومت د بندیانو د خلاصون په ګډون د اوربند د هوکړې له شرطونو سرغړونه کړې ده.

د پاکستاني تالبانو تحریک اسلام اباد د اوربند له هوکړې په سرغړونې تورن کړ او ويلي يې دي، چې حکومت له ژمنې سره سره تر ۱۰۰ ډېر بندیان خوشې نه کړل او د خبرو اترو لپاره یې خپل پلاوی هم ونه ټاکه.

ټي تي پي دا هم ویلي، چې د پاکستان امنیتي ځواکونو د اوربند په موده کې د  دوی پر ضد بریدونه کړي دي.

سرچينې دغه راز زیاته کړې، چې دوی پاکستان کې هم د افغانستان په څېر اسلامي حکومت غواړي او د دې لپاره به خپلو هلو ځلو ته دوام ورکوي.

دوی وایي، پاکستانی حکومت به کرار کېناستو او دغه راز د آرام ساه اخیستو ته پرېنږدي.

ټي ټي پي دا اعلان وروسته له دې وکړ، چې پاکستاني چارواکو وویل دوی د اوربند د هوکړې پر اساس تر ۱۰۰ ډېر پاکستاني تالبان خوشې کړي دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro