د بېګ باش په ۷مه لوبه کې د قیس لوبډلې بریا خپله کړه

خبریال وېبپاڼه: د آسټراليا په سوداګریز لیګ بېګ باش په اوومه لوبه کې د ملبورن سټارز او سېدني ټنډر لوبډلو لوبه ترسره کړه.

سېدني تندرز د لوبې پچه وګټله او سټارز لوبډلې ته یې د توپوهنې بلنه ورکړه.

میلبورن سټارز لوبډلې په ټاکل شلو اورونو کې د ۴ لوبغاړو په سوځېدو ۱۶۵ منډې وکړې او مقابلې لوبډلې ته یې د ۱۶۶ منډو هدف ورکړ.

د تندرز لپاره نېک لارکين ۵۲ او کارت رایټ ۴۲ تر نورو زیاتې منډې وکړې.

د سېدني تندرز لوبډلې لپاره په توپ اچونه کې تنویر سینګا په زړه پورې توپ اچونه وکړه.

نوموړي د خپلې لوبډلې په ګټه  ۲ لوبغاړي وسوځول.

سېدني تندرز د ۱۶۶ منډو هدف پوره نشو کړای او د څلورو لوبغاړو په سوځېدو یې یواځې ۱۶۱ منډې جوړې کړې او لوبه يې د څلورو منډو په توپير وبایلله.

تندرز لپاره متیوکیګس ۵۶ او سام بلېنګس ۴۳ تر نورو لوبغاړو زیاتې منډې وکړې.

بل لورته بیا د سټارز لپاره کولتر نیل ۲، قیس احمد، ادم ذمپا او بروډي کوچ  یو یو لوبغاړي وسوځول.

د یادونې ده، چې په یاد لیګ کې د پنج شنبې په لوبه کې د راشدخان اړوند لوبډلې د محمد نبي عیسی خېل اړوند لوبډلې ته ماته ورکړه.

په یاد لیګ کې محمد نبي، راشدخان، ظاهرخان او مجیب ځدران لوبېږي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More