د اقتصادي وضعیت کنټرول تالبان وارخطا کړي؛ ځانګړې کمېټه یې ګمارلې

خبریال وېب پاڼه: د تالبان حکومت د اقتصادي وضعیت د کنټرول لپاره ځانګړې کمېټه ګومارلې ده.

تېره ورځ ناوخته  د وزیرانو شورا په یوه غونډه کې د رئیس الوزرا د اقتصادي مرستیال په مشرۍ یوې کمېټې ته دنده سپارلې، چې په هېواد کې د افغانۍ د ثبات لپاره هڅه وکړي.

کمېټې ته ویل شوی، چې ټول هغه عوامل مشخص کړي، چې د روان اقتصادي وضعیت او افغانۍ د بې ثباتۍ سبب شوې ده.

د تالبانو کابینې همدا راز د ډالرو پر قاچاق هم بندیز لګولی دی او یادې کمېټې ته یې دنده سپارلې، چې په دې اړه شته مافیايي کړۍ مشخصې او د قانون منګولو ته یې وسپاري.

کابینه داسې مهال د افغانیو د ثبات لپاره په اقدام لاس پورې کوي، چې د ډالر پر وړاندې د افغانۍ ارزښت په بې مخینې توګه راټيټ شوی دی.

د ډالرو لوړښت او د افغانیو د ارزښت کمېدو خلکو ته هم پراخې ستونزې جوړې کړې دي.

د تالبانو حکومت داسې مهال د اقتصادي وضعیت دکنټرول لپاره دا ځانګړې کمېټه ګماري، چې تازه د تالبانو له هیلو او نرمۍ سره سره بیا هم امریکا ټینګار کړی، چې د مرکزي بانک د شتمنیو کنګل کېدل به ادامه لري.

د سپینې ماڼۍ ویاندې جین ساکي په یوه خبري کنفرانس ویلي، پوره تدابیر نیول شوي، چې دغه پیسو ته د تالبانو له لاسرسي مخنیوی وکړي او په خبره یې د یادو شتمنیو کنګل کول به ادامه لري.

هغه وایي داسې ډېر عوامل دي، چې له مخې یې دوی د مرکزي بانک شتمني نه شي ازادولی.

د نوموړې په خبره د سپټمبر د یوولسمې له مسئلې را نیولې، بیا په تور لېست کې د تالب مشرانو او پر دغه ډله د شته بندیزونو تر موجودیت ټول هغه څه دي، چې له مخې يې امریکا د یادې شتمنۍ له ازادولو ډډه کوي.

امریکا همدا راز وایي دوی هڅه کوي له افغانانو سره د مرستو لپاره پر موثرو لارو چارو کار وکړي.

دوی وایي د دې شتمنۍ لپاره داسې یوه لاره پيدا کوي، چې افغانانو ته یې ګټه ورسېږي او له بشري ناورین مخنیوی وشي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro