د مقاومت جبهه: د تالبانو ظالم رژیم باید په رسمیت ونه پېژندل شي

خبریال وېب پاڼه: د افغانستان ملي مقاومت جبهې د افغانستان اقتصادي وضعیت په اړه د اسلامي هېوادونو د همکاریو سازمان غونډې جوړولو هرکلی کړی.

د دوی په خبره، چې په افغانستان کې د اوسني اقتصادي او انساني ناورین مسؤول تالبان دي.

د مقاومت د جبهې ویاند، صبغت الله احمدي په یوه ټوېټ پیغام کې لیکلي، چې د اسلامي هېوادونو همکاریو سازمان غړي هېوادونه دې د تالبانو ظالم رژیم په رسمیت نه پېژني.

ټاکل شوې، چې سبا یکشنبه د افغانستان په اړه د اسلامي همکاریو د سازمان غونډه په پاکستان کې د سعودي عربستان په مشرۍ ترسره شي.

په همدې غونډه کې د ګډون لپاره د تالبانو د بهرنیو چارو وزیر امیرخان متقي پاکستان ته ولاړ.

د تالبانو ویاند احمدالله وث یق په خپله ټوېترپاڼه لیکلي، چې متقي په دې غونډه کې د تالبانو په استازولۍ ګډون کوي.

د سرچینې په خبره ،په افغانستان کې د سیاسي تحول وروسته دا لومړی ځل دی، چي د افغانستان په اړه داسې لويه او مهمه غونډه جوړېږي.

ویل کېږي، په دې غونډه کې به د غړو هېوادونو د بهرنیو چارو وزیران د افغانستان خلکو ته د بشري مرستو د رسولو پر لارو چارو خبرې وکړي.

دغه راز ویل شوي، چې په دې غونډه کې به د افغانستان اوسني ناورین ته د حل لارې ولټول شي.

دا لومړی ځل دی چې تالبان د افغانستان په استازیتوب په داسې یوه غونډه کې ګډون کوي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More