د پاکستان سرسخت سیال؛ هند هم د افغانستان په اړه د غونډې کوربتوب کوي

خبریال وېب پاڼه: د راپورونو له مخې په اسلام اباد کې د افغانستان په اړه له غونډې سره هم مهاله په نوي ډهلي کې هم د هند او پینځو اسیايي هېوادونو ترمنځ غونډه ترسره کېږي.

د هندي رسنیو د راپورونو له مخې په دې غونډه کې د هند، تاجکستان، ازبکستان، ترکمنستان، قرغزستان او قزاقستان د بهرنیو چارو وزیران ګډون کوي.

سرچینې وایي، چې په دې غونډه کې هم د بحث مهمه موضوع د افغانستان روان وضعیت دی.

هندي رسنۍ وایي، چې په دې غونډه کې به له افغانستان سره پر بشردوستانه مرستو، له دغه هېواد سره پر اقتصادي همکاریو، د سیمې پر اتصال او د چابهار بندر پر فعالېدو او پراختیا خبرې وشي.

دا چې دا غونډه به کله ترسره شي، کره نېټه یې لا نه ده خپره شوې.

دواړه هېوادونه یو د بل سر سخت سیالان دي او هڅه کوي په افغانستان کې د اړیکو د ټینګښت لپاره له یوه بله مخکې شي.

هند داسې مهال د افغانستان پر وضعیت د دې غونډې د ترسراوي خبر ورکوي، چې نن په اسلام اباد کې د اسلامي همکاریو د سازمان غونډه پيل شوه.

په یاده غونډه کې هم د بحث مهمه موضوع د افغانستان روان وضعیت دی.

یاده غونډه کې د ګډون لپاره تېره ورځ شنبه د تالبانو د بهرنیو چارو وزیر امیرخان متقي یاد هېواد ته تللی دی.

دا غونډې داسې مهال ترسره کېږي، چې په افغانستان کې پراخېدونکي بشري ناورین د سیمې سربېره نړۍ هم اندېښمنه کړې او  افغانان تر بل هر وخت لا ډېر لاسنیوي ته اړتیا لري. 

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro