کابل او پکتیا: د ګازډبو په چاودنو کې ۱۹ تنه مړه او ټپيان شوي

خبریال وېب پاڼه: د پکتیا ولایت په مرکز ګردېز کې د ګازډبې د چاودنې له امله د یوې کورنۍ ۱۵ تنه سخت ژوبل شوي دي.

دا پېښه تېره شپه د مرکز ګردېز اړوند دویمه امنیتي حوزه کې د تېرې باغ شاه مدینه سیمه کې رامنځته شوې ده.

د پکتیا د اطلاعات او کلتور رئیس وایي، چې په دې پېښه کې د ښځو او ماشومانو په ګډون د یوې کورنۍ ۱۵ غړي ژوبل شوي، چې د څلورو وضعیت ښه نه دی.

د اطلاعات او کلتور رئیس خالقیار احمدزی زیاتوي، هغه څلور تنه چې وضعیت یې ښه نه وو د درملنې لپاره کابل ته لېږدول شوي دي.

د یادونې ده، چې د ژمي په راتګ سره د هېواد په سړو سیمو کې ورته پېښې ځکه ډېرېږي، چې خلک د سختې یخنۍ له امله په خپلو کورونو کې د هوا د ګرموالي په خاطر له ګازي بخاریو کار اخلي.

عام خلک وایي، سره له دې چې د سون توکي قیمته دی، خو دوی بیاهم اړ دي، چې د خپلو اولادونو د خوندې ساتنې لپاره لازم اقدامات وکړي.

دغه راز په یوه بله پېښه کې امنیتي چارواکي وایي، تېر ماښام د کابل ښار د دوېیمې حوزې اړوند برکي څلور لارې سره په یوه موټر کې د ګاز ډبې د چاودنې له کبله څلور تنو ته مرګ ژوبله اوښتې ده.

د امنیه قومندانۍ ویاند مبین وایي، په دې چاودنه کې یو تن وژل شوی او درې تنه ژوبل دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More