جنګ سوړ شو، میری تود شو!/ له زړو خبرو د عبدالله هرکلی
خبریال وېب پاڼه: د اسلامي همکاریو د سازمان له غونډې وروسته په کلتوري مسئلې د افغانستان او پاکستان ناندرۍ هم پای ته ورسېدې، خو عبدالله عبدالله اوس د یادې غونډې هرکلی وکړ.
په اسلام آباد کې د اسلامي همکاریو د سازمان له ترسره شوې غونډې درې ورځې تېرېږي، خو د ملي مصالحې عالي شورا پخواني مشر عبدالله عبدالله له سعودي عربستان او پاکستان څخه د اسلامي همکاریو سازمان غونډې جوړېدو او کوربه توب هر کلی اوس وکړ.
نوموړي په خپل ټوېټر په خپاره کړي پيغامونو کې د دې سازمان غړیو هېوادونو له خوا افغانانو سره د سمدستي مرستو غوښتونکی هم شوی دی.
د اسلامي همکاریو سازمان غونډه د تېرې یک شنبه په ورځ په اسلامآباد کې د افغانستان وضعیت په تړاو جوړه شوې وه.
عمران خان په یاده غونډه کې افغانستان کې نجونې مکتب ته نه پرېښودل د افغان کلتور برخه ګڼلې وه، چې دا خبره د افغانانو له توند غبرګون سره مخ شوه، خو عبدالله عبدالله پرې هېڅ غوږ هم ونه ګروه.
پخواني ولسمشر حامد کرزي عامو افغانانو، افغانو سندرغاړو او د کوزې پښتونخوا مشرانو د عمران د دې خبرې په غبرګون کې نوموړي ته سخت سخت ځوابونه ورکړل خو عبدالله عبدالله هېڅ ونه ویل.
عبدالله عبدالله په ټوېټر کې هم د عامو خلکو تر سختو پوښتنو لاندې راغلی.
ګڼو ورته ورته لیکلې، چې د عمران په خبره یوه افغانه سندرغاړې غبرګون ښيي ته ولې چوپ یې؟
ګڼو ورته په کړو کمنټونو کې لیکلي: (( موږ فکر کاوه، چې ته به دعمران خان په خبرو غبرګون وښيي، خو نه تا بیا وپلورلو او تاسې زموږ عزت لیلام کړ.))
عبدالله عبدالله د هېواد یو له هغو سیاسي څېرو څخه ده، چې له کلونو راهیسې افغان ولس ورته په غوصه دی.
د افغانانو په وینا ده ټول عمر په نه منلو تېر کړی او بیاهم دوی ترې د ښه کار تمه نشي کولای.
Comments are closed.