fbpx

د ناروغ له خېټې دوه کلو سيکې او د بوتلونو سرونه راووتل

کله چې تاسې غمژن ياست نو څه کوئ؟ ايا کله مو د غم يا خپګان پر مهال داسې کوم کار کړى دى، چې سيکې، د بوتلونو سرونه، کاڼي يا هم بل کوم داسې څه وخورئ، چې عموماً يې انسانان نه خوري؟ فکر کوم بالکل به مو کله هم داسې کار نه وي کړي، خو په شمالي کوريا کې يو کس داسې کار کړى دى.

په شمالي کوريا کې يو کس څو کاله مخکې د خپلو غمونو او خپګانونو ليرې کولو لپاره هره الا بلا خوړله، چې اوس يې په خېټه کې د دردونو له امله ډاکټرانو د شاو خوا دوه کلو په وزن باندې سيکې، د بوتلونو سرونه، کاڼي او نور شيان راوويستل.

کله چې په لومړي ځل د دغه ناروغ ايکسرى او سکېن وشو، نو معلومه شوه چې د دغه ٥٤ کلن سړي په خېټه کې ځاى پر ځاى سيکې او د بوتل سرونه پراته دي، چې په ډېره ګرانه بيا ډاکټرانو د دغه کس خېټه پاکه کړه.

دا هم ولولئ: دا نجلۍ صابون د آيسکرين په څېر په خوند خوري

ډاکټرانو رسنيو سره په خپلو خبرو کې وويل، چې دغه سړى د شمالي کوريا د سيئول څخه لږ ليرې د ګويانګ د سيمې اوسېدونکى دى، چې په خېټه کې د دردونو له امله روغتون ته راوړل شو او له دردونو يې چيغې وهلې، وروسته بيا هغه وويل چې د خپګان او غمونو له امله يې د دوا تر څنګ سيکې او د بوتلونو سرونه هم خوړلي دي او کله نا کله به يې کاڼي هم خوړل.

ډاکټران وايي چې لومړى يې د ټيوب (ګيسټرو سکوپي) په مرسته د سيکو د راويستلو هڅه وکړه، خو په خېټه کې يې ګند ډېر و، نو بيا يې هڅه وکړه چې يو يو شى راوباسي او په دې طريقه يې بيا د هغه له خېټې هر څه راوويستل. دا راپور په امريکايي مجله (جرنل آف ميډيکل) کې خپور شوى دى، دا ډېر اوږد عمليات و، چې ډېر وخت يې واخيست او همدا راز ناروغ ٩ ورځې په روغتون کې بستر و.