پر پاکستاني پوځیانو د تېرماښام د خونړي برید مسؤلیت تالبانو ومانه

خبریال وېب پاڼه: په خیبر پښتونخوا کې پر پاکستاني پوځيانو تېره ورځ د شوي خونړي برید مسوولیت پاکستاني تالبانو په غاړه واخیست.

د معلوماتو له مخې دا برید تېره ورځ ناوخته د خیبر پښتونخوا هنګو سیمه کې د پاکستاني پوځيانو پر يوه کاروان ترسره شوی وو.

د سرچینو له قوله په یاد برید کې ۶ پاکستاني پوځيان هلاک شوي وو او ۳ نور مرګوني ټپيان شوي وو.

سرچینو زیاته کړې وه، چې بریدګر هم له برید وروسته په تېښته بریالي شوي وو.

د پاکستاني تالبانو د تحریک ډلې تازه د یاد برید مسوولیت ومانه.

د یادې ډلې ویاند ویلي، چې برید د دوی ملګرو کړی او ملګري یې له زیان پرته له یادې سیمې وتلي دي.

دا لومړی ځل نه دی، چې پاکستاني تالبان پر پاکستاني پوځیانو د برید مسوولیت مني، یادې ډلې له دې وړاندې هم د ورته بریدونو مسوولیت منلی دی.

د یادونې ده، چې دوه ورځې وړاندې ناپېژاندو وسله‌ والو د خیبرپښتونخوا د باړې سیمې په “جان خان” کلي کې د پاکستان پر “ایف سي” ځواکونو برید وکړ او ۲ پوځیان ورته هلاک کړل او یو بل یې مرګونی ټپي کړ.

پاکستاني تالبان وروسته له هغې، پر پاکستاني پوځ په غوصه شول او د افغان تالبانو په منځګړتوب شوی سوله ییز تړون یې ختم اعلان کړ، چې د دوی په خبره پاکستاني پوځ د هوکړې اصول ونه منل او پر دوی یې بریدونه کول.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro