شيخ رشيد: د ازغزن تار په هکله د تالبانو ستر حقيقت افشا کړ

خبریال ويب پاڼه/ که څه هم په دې وروستيو کې د تالبانو او پاکستان ترمنځ سرحدي ترينګلتيا وي رامنځته ته شوې خو د پاکستان د کورنیو چارو وزير شيخ رشيد احمد ويلې چې د اغزن تار په هکله هرومرو ورسره تالبان ملګري وي.
که څه هم د تالبانو يو شمېر جنګيالي په دې عقيده دي چې پاکستان يې دښمن او پر ډيورنډ لاين به هيڅ کله د اغزن تار لګولو اجازه ورنکړي خو مشرانو يې لکه چې د پاکستان سره دا معامله پخه کړې.
د پاکستان د کورنیو چارو وزير ويلي تالبانو اطمینان ورکړی چې د افغانستان خاوره به هيڅکله د بل چا په وړاندې استعمال نکړي.
شيخ رشيد هغه جنجال ته چې تالبانو سره يې پر ډيورنډ کرښه رامنځته شوی وويل چې دوی غواړي له تالبانو سره د ازغزن تار غځولو پروژه له تالبانو سره په ګډه او همغږي سره پای ته ورسوي.
موده وړاندې د ننګرهار ولايت په يوه سرحدي سيمه کې د تالبانو او پاکستاني حکومت عسکرو کومه لفظي شخړه ترسره کړه په يوه ويډيو کې ښکاري چې يو تالب د پاکستان عسکرو ته ګواښ کوي او ورته وايي چې ستاسو سره جګړې ته داسې خوشحاله يو لکه يهودو سره جګړې ته يعني خپل ځان کنټرول کړئ.
دا د تالبانو په محلي کچه احساس او له پاکستان سره بد بيني ده ولې په لوړه کچه داسې ښکاري چې تالبانو له پاکستان سره د اغزن تار غځولو کومه پريکړه کړې وي.
د شيخ رشيد له دې خبرو مالوميږي چې تالبان اوس هم پر تالبانو د پخوا په شان پوره کنترول لري خو خو د تحريک تالبان‌ وروستيو تحرکاتو چې پاکستاني سرتیري په نښه کوي پاکستان اندېښمن کړی چې د دې موضوع به د حل لپاره اوس هم دوی لاس په کار شوي او ويلي یې دي چې دوی له تحريک تالبان‌ سره غيري مستقيې اړيکې نيولې دي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More