د بايډن مرستیاله هم تالبانو ته په قهر شوه

خبريال ويب پاڼه/ د دوحې هوکړه او امريکا سره د تالبانو د تړونونو په هکله نظريې موجودې دي، امريکا تالبان تورن کړل چې ترسره شويو هوکړو ته ژمن نه دي او غواړي چې خپل سرې کارونه وکړي.
پرهمدې مهال د امريکا مرستيال ولسمشره کاميلا هاريس هم د تالبانو په هکله تازه څرګندونې کړې او ويلي يې دي تالبان څومره چې د امريکا تمه وه داسې و نه ځليدل.
کاميلا هاريس د افغان ښځو پر ژوند وږغيده او زياته يې کړه چې تالبانو د افغان ښځو ژوند ورته خراب کړی.
نوموړې زياته کړې چې نوي حکومت تر فشار لاندې راوستلي او له دباندې کار کولو څخه منعه کړې دي.
هغې وويل چې تالبانو د افغان ميرمنو په هکله د امريکا تمه نه ده پوره کړې او داسې ښکاري چې تالبان له ښځينه وو سره ناسم چلند کوي چې دا چاره امريکا ته د منلو وړ نه ده.
کاميلا هاريس وويل که هرڅه کيږي خو امريکا به افغان ميرمنو ملاتړ ته په هر حالت کې دوام ورکوي.
په ورته وخت کې د بشري حقونو د څار سازمان هم د تالبانو پر تازه پريکړو چې د ښځو په هکله يې کړې نيوکه کړې او ويلي يې دي چې د تالبانو نوي قوانين د افغان ښځو د زنداني کیدو په معنی دي او داسې کار بايد ونه شي.
د تالبانو له واکمنۍ پوره څلور میاشتې تیریږي خو تراوسه پوري هیڅ یوه هېواد د دې ډلې حکومت په رسميت نه دی پیژندلی او نه هم کوم مشروعيت ورکول شوی.
د نړيوالې ټولنې تر ټولو مهم شرط او شرايط د افغان ښځو ازادي او د کار زدکړې حق ورکول دي چې تالبان له دې برخې فرمايشاتو سره خورا وران دي او نه يې مني، ځکه خو د تالبانو لپاره هم نړۍ تر اوسه نه ده اماده شوې چې مشروعيت ورکړي او په رسميت يې وپيژني.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro