روسیې او تاجکستان پر افغان پوله خطرناکې وسلې ځای پر ځای کړې

خبريال ويب پاڼه/ د تالبانو له راتګ وروسته د افغانستان په شمالي سرحدي سيمو کې د روسيې له ملاتړه برخمن هېوادونه اندېښنه لري چې دا اندېښنه اصل کې د روسيې ده.
تازه پوتین له امام علي رحمان سره غونډه کې د افغانستان د سرحد سره اوږدو کې پرحالت اندېښنه ښودلې، پوتين وويل دا هغه موضوع ده چې دی ورته اندېښمن دی او هر وخت له امام علي رحمان سره د همدې موضوع په هکله تماس کې دی.
د روسيې له لوري افغان پوله کې د تاجک ځواکونو د لومړۍ پروسې بشپړونه پرون وشوه او پوتين پر همدې موقع باندي بيا هم پر دې پوله خپله اندیښنه څرګنده کړې.
د ټاس اژانس د روسیې د سفیر ایګور لیاکین فرالوف له قوله ویلي، زغروال وسایط، تهاجمي وسلې او د «اس-۳۰۰» توغندیو یوه دستګاه په تاجکستان کې ځای پر ځای شوې دي.
روسیې سفیر ويلي چې دواړه هېوادونه د افغانستان وضعیت له نږدې څاري.
روسیه يوازي له افغانستانه د وسله والو ترهه ګرو د ورتګ ويره لري او په دې هکله يې وويل چې دوی په خپله اډه ۳۰ زغروال ټانکونه نور هم زيات کړل.
تراوسه پورې تالبانو ټولو نړيوالو ته ډاډ ورکړی چې د افغانستان خاوره به د هيچا پر ضد استعمال نه شي او داعش وسلوال دومره لوی ګواښ نه دی چې بهرنیو هیوادونو ته خطر پيښ کړي.
تاجکستان او روسیه په ګډه د افغان پولې امنيت ته اندېښمن دي ولې دا هېوادونه اوس مهال له تالبانو سره ښې اړيکې هم لري روسيې د تالبانو په پلوي څو ځله پر امريکا سخت انتقادونه کړي چې تالبانو يې هر کلی کړي.
د روسیې ولسمشر ویلادیمیر پوتین څو ورځې وړاندې له امريکا وغوښتل چې تالبانو سره تعامل وکړي او د دې هېواد کنګل شوې پيسې ورته ازادي کړي ترڅو ډ افغانستان اوسنی وضعیت کنټرول او ښه شي تالبانو هم په بار بار له امريکا دا غوښتنه کړې.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More