پاکستان کې خونړۍ چاودنه؛ ۱۹ پاکستانیان هلاک او ژوبل شول

خبریال وېب پاڼه: پر پاکستاني پولیسو خونړۍ چاودنې ورځ نه بلې ته زور اخلي.

د بلوچستان په مرکز کوټه کې یوې بمي چاودنې څلور تنه هلاک کړي او ۱۵ نور یې مرګوني ټپيان کړي دي.

د یادې سیمې د کورنیو چارو سلاکار ضیاءالله لانګو رسنیو ته ویلي،چې تېره شپه د جناح سړک سره پر پولیسو خونړی د ریموټ کنټرول بم چاودنه وشوه.

په ورته وخت کې د کوټې د پولیسو مشر فدا حسین رسنیو ته ویلي، چې چاودنه داسې مهال وشوه کله، چې د جمعیت علمای اسلام ډلې غړي او پلویان د پېښې له ځای سره نږدې له یوې غونډې څخه کورونو ته روان وو.

سرچینو زیاته کړه، چې د برید عاملین به د قانون منګولو ته سپاري.

د برید مسؤلیت تر اوسه چا نه ‌دی منلی.

د یادونې ده چې په بلوچستان کې یو شمېر بلوچ بېلتون پالې او نورې وسله‌ والې ډلې فعاله دي او دې ته ورته د تېرو ګڼو پېښو مسوولیت یې منلی دی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More