د ډيورنډ د نه منلو له کبله پاکستان پرتالبانو باور له لاسه ورکړی

خبريال ويب پاڼه/ ايکسپرس تربيون پاکستانۍ رسنۍ د د پاکستان او تالبانو يارانه څېړلې او ويلي يې دي چې دواړه ياران خراب تراب دي.
پر ډيورنډ کرښه باندې د تالبانو او پاکستان ترمنځ وروستۍ ترينګلتيا وي د دې مطلب اصلي هدف دی.
په تربيون ورځپاڼه کې د مطلب ليکوونکي پاکستان ته مشوره ورکړې چې تالبان د باور وړ نه دي ځکه دوی ډيورنډ د رسمي کرښې په توګه نه پيژني او نه به يې هم وپيژني.
سرچينې زياته کړې چې پاکستان ته په کار ده چې له دې وروسته پر افغان تالبانو باور و نکړي او د دوی له ملاتړه دي لاس واخلي.
وروسته چې د پاکستان پر دې باور شو چې تالبان پر ډيورنډ کرښه باندې له دوی سره کومه لاره نه وړي نو دې ډلې ته يې خپله ژوره اندیښنه د اغزن تار لګولو د راولاړې شوې ستونزې په هکله شريکه کړې خو دا يې نه دي ويلي چې څه ځواب یې ترلاسه کړ.
پاکستان تالبان او د ډيورنډ کرښه
د ډيورنډ فرضي کرښه چې د افغان ملت پر زړه را کښل شوې لسګونه کلونه کيږي چې د پاکستان او افغانستان ترمنځ يوه معضله پاتي ده افغانستان کې د هر بدلون په راتګ سره پاکستان کوښښ کړی چې دا کرغېړنه کرښه د يو رسمي سرحد په توګه ومنل شي خو افغانستان کې هر حکومت له دې کاره انکار کړی.
د اوس لپاره چې تالبان واک ته ورسېدل او پاکستان پر دې کرښه تحرکات زيات کړل نو سمدلاسه يې تالبانو د مخنيوي لارې چارې پيل او د پاکستان مخنيوی کوي چې دا هېواد یې مايوسه کړی.
اوس چې پاکستان په دې پوی شوی چې تالبان پر لاره ورسره نه ځي نو هرو مرو دې ډلې ته د ستونزو پيدا کولو لپاره لارې چارې لټوي، د افغانستان د راتلونکي لپاره اندېښنې ځکه موجودي دي چې په دې هېواد کې به يو ځل بيا د پاکستان نيابتي جګړه پيل او قرباني به يې افغان ملت ورکوي.
پر ډيورنډ کرښه باندې تر اوسه پوري د تالبانو او پاکستان ترمنځ نښتې هم رامنځته شوې او په ډيرو ولايتونو کې تالبانو له پاکستاني عسکرو اغزن تار او مهمات هم نيولي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro