تښتيدلي احمد مسعود ته پلرني ميراث، د فرانسې پخواني ولسمشر ورسره اړيکه نيولې

خبريال ويب پاڼه/ زموږ د پخوانيو تش په نوم مشرانو د ټولو همدا صفت وو، چې هر يوه يې ځان ته هېواد درلودی او هغوی لپاره يې کار کوی.
د فرانسې پخواني ولسمشر فرانسوا اولاند پر خپل ټويټر ولیکل چې د قوماندان مسعود له زوی سره يې ټليفوني خبرې کړې.
اولاند وويل چې په دې ټليفوني مکالمې کې يې په افغانستان د ډيموکراسۍ د بيا رامنځته کولو لپاره د احمد مسعود د هڅو يعني جګړې ملاتړ کړی او د خپلې همکارۍ ډاډ يې ورکړ.
د مقاومت جبهې د بهرنيو روابطو مسول ميثم نظري وويل چې د فرانسې له پخواني ولسمشر فرانسوا اولاند سره يې خبرې ښې وې او د ده له انده په افغانستان کې يې د تروريزم په وړاندې د مبارزې خبره هم کړې.
ده وويل چې د فرانسې ولسمشر ډاډ ورکړ چې د جبهې مقاومت د هڅو ملاتړ به کوي.
ايا فرانسه افغانستان کې اورته لمن نه وهي
فرانسه چې د خپل پخواني کارکوونکي له زوی احمد مسعود سره اړيکه نيسي نو ښکاره خبره ده چې په افغانستان کې د يوې بلې جګړې تر شا به دريږي، احمد مسعود ځان افغانستان کې د ډيموکراسۍ مدافع بولي او د خپلې مبارزې برخه کې ټول افغانستان ملاتړی بولي خو د ده په ګډون د مقاومت ډلې ټول غړي تښتيدلي او چيري یې ځان پټ کړی دی خو ښکاره خبره ده چې دوی به هلته غلامي مني.
کله چې تالبان افغانستان باندې واکمن شول ټولو د مقاومت جبهې مدافعانو پاکستان تاجکستان ايران او نورو هېوادونو ته په تېښته بريالي شول.
خو له هغه ځايه يې انلاين مقاومت اعلان کړ اوس چې په هر ولايت کې د تالبانو په وړاندې څوک کوم ولایت کې ږغ پورته کړي نو سمدلاسه يې صالح او نور د مقاومت جبهې پوري وتړي، خو پوښتنه دا ده چې دوی ولې وتښتيدل دوی ولې ځان ته لویه لوټه ږدي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More