د تالبانو سره هوکړه: سي ای اې د چين پرضد د افغانستان خاوره کارولی شي

خبريال ويب پاڼه/ د چين او امریکا ترمنځ له اقتصاده تر اټومي کيسو هرڅه په سیالۍ روان دي له شلو کالونو وروسته د تالبانو بيرته راتګ په معجزوي شکل تر سره شو خو د دې تر شا پټ راز دا کيدلی شي چې ښایي تالب ډله بيرته د امريکا په ذريعه بريا ته رسيدلې وي امريکا د افغانستان په تير جمهوري حکومت کې دا فرصت ونه لید چې پرې چين او روسيه وټکوي خو داسې مالومیږي چې تالبانو دا هرڅه ورسره منلي دي.
د سياسي چارو شننونکي ډاکټر نور احمد خالدي ويلي چې د دوحې هوکړې له مخې سي ای اې له تالبانو غوښتې چې د چين پر ضد ورته اجازه ورکړي چې دوی د ترکستان شرقي ډله حمايه کړي او هغوی تجهيز کړي، دا هوکړه په دوحې کې د امريکا او تالبانو ترمنځ ترسره شوې او منل شوې ده ځکه نو اوس چين له تالبانو سره د اړيکو نژدې والی او همکاري ته مټې را بډوهلې.
په نړيواله توګه له تالبانو سره د نړۍ تعامل زيات شوی ولې دوی نور هم افراطي شوي
د ټولې نړۍ هېوادونه تالبانو سره تعامل پيل کړی او تر ډيرو شرايطو ور تير شوي خو ولې دوی لا هم خپلې تګلارې پلې کوي ولې نړۍ ته نه ګوري.
په دې اړه ښاغلي خالدي وويل چې تعامل به حتمي رامنځته کيږي ځکه هېوادونه اړتيا لري خصوصا ګاونډيان ترکمنستان د ګازو نل ليکې تيرولو لپاره چې ګاز به پاکستان او هند ته ورکوي د افغانستان له لارې ترسره کيږي، چين به‌ د شرقي ترکستان ډلې پر ضد تالبانو سره انډيوالي او ايران اړ دی چې خپل نفتي توکي خرڅ کړي.
اوس پوښتنه دا ده که چيري تالبانو دا هوکړه کړې وي ايا بيا داسې نوم نه شو ورکولای چې امريکا د چين پر ضد د افغانستان خاوره کارولی شي په داسې حال کې چې تالبانو ټولې نړۍ او ګاونډيو هېوادونو ته ډاډ ورکړی چې د افغانستان خاوره به د هيچا پر ضد استعمال نه شي.
تراوسه پورې داسې څه نشته چې امريکا دي په دې اقدام لاس پورې کړی وي ولې د تالبانو له منظم کيدلو وروسته دا امکان شته چې داسې وشي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro