د قطر مذاکرات بيا پيليږي مامور يې بياهم خليلزاد دی

خبريال ويب پاڼه/ تالبانو ته اوږدې لارې ګوري ترڅو يو فراګير او ټولشموله حکومت جوړ کړي.
يو شمیر خبرې سرچينې وايي چې خليلزاد قطر ته تللی او هلته یې د دې هېواد له يو شمېر چارواکو سره ليدلي.
وروسته له هغه د افغانستان لپاره د قطر ځانګړي استازي ماجد القحطاني کابل ته سفر کړی چې د تالبانو ترڅنګ يې د ملي مصالحې عالي شورا له پخواني رييس عبدالله عبدالله سره هم کتلي د نوموړي سفر د دې پخلی بلکل کولای شي چې دا دور مذاکرات به حتمي پيل کيږي.
د راپورونو له مخې چې د امريکا په استازيتوب د سولې پخواني استازي او نوي مامور زلمي خليلزاد تيره اونۍ قطر ته سفر کړی او په دې هڅه کې دی چې د دوحې مذاکرات بيا له سره پيل شي.
د مذاکراتو هدف څه دی؟
وړاندې د قطر د سولې مذاکرات خو اوس به د يوه نوې حکومت پر جوړيدو مذاکرات وي، له دې مذاکراتو او هڅو مالوميږي چې امريکا افغانستان له لاسه نه ورکوي او د دوی په اصطلاح د شل کلنو لاس ته راوړنو ساتنه پر داسې شکل کوي.
د دې مذاکراتو دا دور په افغانستان کې د نوي حکومت پر جوړولو را څرخي راپورونه دادي چې هڅه به وشي چې يو ټولشموله حکومت جوړ شي چې هرچا ته پکښې ونډه ورکول شوې وي، او له هغه وروسته د دې حکومت په رسميت پيژندل دي چې د نړیوالې ټولنې هم غوښتنه ده.
خليلزاد څه کوي؟
که څه هم پوره دوه کاله زلمی خلیلزاد د امريکا له لوري د افغانستان د سولې لپاره استازی ټاکل شوی وو، خو موده وروسته بايډن د خليلزاد پر ځای ټام ويسټ د افغانستان لپاره خپل ځانګړی استازی وټاکه خو مالومات ښيي چې خليلزاد اوس د امريکا بهرنیو چارو وزارت کې د سلاکار دنده مخ ته وړي او د دې سفر څخه داسې څرګندېږي چې دی به يوځل بیا صحنې ته راځي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro