روسیې ته د برادر او ملایعقوب پټ سفر ايا له امريکا لاره جدا شوې؟

خبريال ويب پاڼه/ پر داسې مهال چې د تالبانو يو لوړ پوړی پلاوی ناروې ته د اروپایي هېوادونو سره د ناستې لپاره تللی چې امريکا هم په دې ناسته کې ګډون لري.
خو اوس د لوړپوړو تالب چارواکو يو بل سفر هم افشا شو.
د افغانستان د ملي امنیت پخواني رييس په خپلو تازه څرګندونو کې ويلي چې د افغانستان د تالبانو دفاع وزير ملا يعقوب مجاهد او د رييس الوزرا لومړي مرستيال ملا ب رادر اخند روسيې ته پټ سفر کړی خو د دوی د سفر جزيات يې نه دي ورکړي.
په دې وروستیو کې له روسيې سره د امریکا د‌اړیکو د خرابوالي کيسه هم ګرمه ده او دا هېواد له تالبانو سره هم د تعامل خبره کوي خو تراوسه پوري د تالبانو په لاس جوړ شوی حکومت هيچا په رسميت نه دی پیژندلی خو اوس تالبان د ناروې د سفر په هکله خوشبيني لري چې ښايي دا به د هېوادونو له لوري د رسمياتو پړاو وي.
تراوسه پوري د ناروې هېواد د ناستې درسته نتيجه نه ده مالومه خو په وروستيو کې به وکتل شي چې دا ناسته څومره مهمه وه او کومې حياتي پرېکړې پکښې شوې دي.
د تالبانو له لوري د افغانستان نیول تر پنځي میاشتو اوړي خو تراوسه يې حکومت د نړۍ له لوري نه دی منل شوی د دوی په راتګ سره د ولس په وړاندې اقتصادي او ټولنيزې ستونزې زياتې او د هېواد په کچه د يوه بشري او اقتصادي بهران د راتګ ويره هم زياته شوه له هغه وروسته نړۍ لاس په کار او د افغانستان لپاره يې د مرستو تابیا وکړه خو تراوسه يې د عامو افغانانو کوم درد نه دی دواړه کړی.
ملګري ملتونه د افغانستان په اړه په دې ساړه ژمي کې اندېښنه لري او له مرسته کوونکو غواړي چې د افغانانو له دې وصغيت څخه د ایستلو لپاره باید خپلې بشري مرستې وکړي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro