احمد نژاد: تالبان پاکستان روزلي هغوی چې ملاتړ يې کوي پیښمانه به شي

خبريال ويب پاڼه/ د ايران پخواني ولسمشر محمود احمدي نژاد په خپلو تازه څرګندونو کې تالبانو ته موضيع نیولې او سخت انتقادونه يې پري کړي.
هغه وويل یوه وسله واله ډله د سیمه ییزو دښمنانو له لوري همکاري کيږي او ملاتړ يې کیږي، د يوه لوی ملت د ټولو ګټو پر خلاف د ټوپک په زور حاکم کيږي دا د ټولې نړي لپاره لوی ګواښ دی.
هغه تور پوري کړ چې د تالبانو بيا رامنځته کيدل د امريکا، چين روسيې او سیمه ییزو هیوادونو په ملاتړ شوی هغوی پاکستان کې روزنه ليدلې او ایران هم د تالبانو په برخه کې لویه تیروتنه وکړه هغوی به پر هيچا رحم ونه کړي.
نژاد زیاته کړه چې تالبان خپلواک نه دي او د امريکا ګټې به خوندي کوي هغه يو مثال ورکړ امريکايان د يوه ډالر لپاره جګړه کوي نو بیا څنګه د اتیا میلیونه ډالرو په ارزښت وسلې او مهمات تالبانو ته پريږدي؟
د‌ده په وينا د تالبانو ډله نه له يوه قوم او نه هم له یوه دين څخه استازولي کوي.
ایران يو پخوانی چارواکی دا څرګندونې پر داسې مهال کوي چې تازه د تالبانو او او ايران ترمنځ ترينګلتيا وي هم را منځته شوې او دې هېواد يوځل له تالبانو سره سرحدي نښته هم کړې.
په ورته وخت کې د ایران په سرحدي ولایتونو کې عامو خلکو د تالبانو پر ضد چې ولې اوبه نه ور پريږدي لاريونونه کړي او له افغانستانه يې د اوبو پریښودو غوښتنه کړې هغوی افغانستان ته د نفتي موادو د لویو موټرونو ښيښې هم ماتې کړې.
تراوسه پورې تالبانو د نژاد د څرګندونو په هکله کوم غبرګون نه دی ښودلی ولې حتمي ده چې د نژاد دا خبرې ځواب غواړي.
نژاد تالبان ټولې سیمې ته خطر وبلل او و يې ويل ټول هېوادونه چې اوس د دې ډلې ملاتړ کوي يو وخت به پیښمانه شي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro