د تالب واکمني کې د جمهوريت مشروعيت/ م،م د حنيف اتمر ليک منلی او فایق يې له دندې ليري کړ

خبريال ويب پاڼه/ موده مخکې د اسحاقزي له استعفاء وروسته نصير احمد فایق په ملګرو ملتونو کې د افغانستان د دایمې استازي په حیث دنده پيل کړه خو اوس يو بل کس چې اتمر يې حقدار بولي معرفي شوی.
اوس مهمه پوښتنه داده چې ملګري ملتونه اوس هم اتمر د افغانستان د بهرنیو چارو وزیر په حيث پيژني او د خط اعتبار يې دومره اغېزه لري چې يو کس بدل او نوی معرفي کړي.
ملګري ملتونو ته د افغانستان د پخواني حکومت د بهرنیو چارو وزیر محمد حنيف اتمر لیک استولی او پکښي يې د محمد ولي نعيمي د مقرري غوښتنه کړې چې ورسره سم ملګري ملتونو نصير احمد فایق له دندې لیرې او محمد ولي نعيمي يې د افغانستان د دایمې استازي په توګه ټاکلی.
ملګري ملتونو په خپل بيان کې ويلي ځکه يې دا کار کړی چې محمد ولي نعيمي د غلام اسحق زي په وخت کې ناروغ وو، ولې اوس چې يې صحت ښه دی دوی يې پر دې دنده ګماري.
دوه ورځې وړاندې د افغانستان د دایمې استازولۍ پر څوکۍ باندې ناندرۍ راپورته شوې او پخواني سرپرست استازي محمد حنيف اتمر په توطيه جوړولو تورن کړ.
فایق وويل چې تيره مياشت د ملګرو ملتونو امنيت شورا ته په وینا کې چې ده له نړيوالې ټولنې وغوښتل ترڅو د تير حکومت په فساد د ککړو کسانو شتمنۍ بايد کنګل شي په مقابل کې دا کار کړی.
اوس لپاره ملګري ملتونو په رسمي ډول ويلي چې محمد ولي نعيمي د افغانستان د جمهوریت حکومت په استازولي دايمي استازی دی په داسې حال کې چې پر افغانستان له تيرو څه باندې پنځو میاشتو راهسې تالبان واکمن دي تالبانو سهيل شاهين د ملګرو ملتونو د دايمي استازولۍ لپاره نوماند کړ چې بيا ورسره ملګرو ملتونو ونه مانه.
د اوس محمد ولي نعيمي د دې دندې لپاره نوی کس ګمارل شوی خو دا چې څومره وخت به يې دنده دوام وکړي مالومه نه ده.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro