‌د بايډن پر غيري انساني فرمان د پاکستان خوښي: وايي تر هيڅ مړۍ نيمه مړۍ ښه ده

خبريال ويب پاڼه/ ‌د بايډن پر غيري انساني فرمان د پاکستان خوښي: وايي تر هيڅ مړۍ نيمه مړۍ ښه ده
پاکستان وويل چې دوی په دې زیات خوشحاله دي چې بايډن يې نيمايي پيسې امریکایانو ته ډالۍ کړې.
په ملګروملتونو کې د پاکستان دايمي استازي منير اکرم د‌ جو بايډن له وروستي فرمان څخه هرکلی وکړ او و يې ويل چې دا یو ښه کار شوی ځکه تر هيڅ ډوډۍ نيمه ډوډۍ هم ښه ده.
د پاکستان پيغور که خواخوږي د پاکستان هر چارواکی که پر هر موقف وي افغانستان ته يې صدمه رسولې او په بدي یې خوښي ښودلې دي.
د‌امريکا ولسمشر جو بایډن په خپل غيري انساني فرمان کې د افغانستان اوه میلیارده کنګل پيسې آزادي اعلان کړې چې نيمي به د ۲۰۰۱ زیږدیز کال د سپټمبر د یوولسمې قربانیانو ته ورکړې چې په کور دننه د يو شمېر افغانانو د سخت غبرګون سره مخ شو.
افغانانو د بايډن دا پريکړه د بشر په تاريخ کې احمقانه او غيري انساني وبلله او له نړیوالې ټولنې څخه يې د دې پريکړې په غبرګون کې د يوه اقدام غوښتنه وکړه.
په ټوله نړۍ کې يوازي پاکستان هغه هېواد شو چې له دې پريکړې یې ملاتړ اعلان کړ.
پاکستان د خپل پيدايښت له تاريخه تراوسه له افغانستان چې ګاونډی هېواد يې دی شم قدم نه دی اوچت کړی په دې خبرو سره د پاکستان اصليت مالوم او د امريکا سره یې د چاپلوسي راز راسربيره شو.
پاکستان ته د يو اسلامي هېواد او د افغانستان د يوه ګاونډي په صفت دا اړتيا وه چې د بايډن د دې غيري انساني او بشر ضد کار غندنه وکړي او نړۍ متوجې کړي چې امريکا بايد له دې اقدامه را وګرځول شي.
که چيري د افغانستان دا شمیر پيسې امريکا یانو ته ورکړل شي نو افغانستان به په اصلي توګه له اقتصادي او لوی بشري بهران سره مخ شي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More