ملا يعقوب ملي دريځ غوره کړ: پر ډيورنډ کرښه د اغزن تار تيرولو اجازه نه ورکوو

خبريال ويب پاڼه/ د تالبانو د دفاع وزير يو ځل پر يو ملي مسله ملي دريځ غوره کړ او په ډاګه يې کړه چې د پاکستان ترتسلط او فشار لاندې نه دی.
هغه په خپلو تازه څرګندونو کې وويل که څه هم تیر حکومت پر ډيورنډ فرضي کرښې د اغزن تار لګولو اجازه ورکړي وه خو موږ نه اجازه ورکړې او نه به يې هم ور کړو.
ملا يعقوب مجاهد د نورو موضوعاتو په برخه کې هم ملي دريځ خپل کړی او د ډیورنډ لاین پر سر هم خپل دریځ ملي ساتي.
ملا يعقوب وروسته له هغه د پاکستان ضد دريځ نيسي چې موده مخکې پاکستان خبر ورکړی چې پر ډيورنډ فرضي کرښه يې د اغزن تار لګولو پروژه ۹۴ سلنه بشپړه کړې او د پاتې نورې پروژې کار به هم په ښه توګه بشپړ کړي دوی ګواښ وکړ چې هرڅنګه کيږي دوی به د اغزن تار پروژه بشپړوي ځکه په دې برخه کې يې قربانۍ او شهيدان ورکړي.
په دې تړاوو د پاکستان دولت اعلان وکړ چې له تالبانو سره د خبرو له لارې د اغزن تار پروژې د جنجال حل کوي ولې پر سرحد باندې تالب ځواکونو خپل دریځ په ډاګه کړ او زیاته يې کړه چې دوی به د اغزن تار يوې لويشتي ته اجازه ورنکړي چې پاکستان يې ولګوي.
په دې وروستيو کې د پاکستان د ملي امنیت سلاکار معيد يوسف کابل ته راغلی او دلته يې له مهمو تالب چارواکو سره ولیدل او اصلي محور د سفر يې هم داوو چې دی به له تالبانو سره پر ډيورنډ لاين د راپورته شوي جنجال په هکله وږغيږي څو داسې مالوميږي چې د پاکستان په وړاندې د تالبانو دريځ تغير نه دی خوړلی او لا به هم د دې پروژې عملي کولو ته هيڅ اجازه ورنکړي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro