د بايډن د بودجې اعلان عادلانه دی، امريکا د خپلې پريکړې ننګه وکړه

خبريال ويب پاڼه/ وروسته له هغه چې د‌ بايډن‌ له لوري د‌ افغانستان د کنګل بودجې په هکله پرېکړه وشوه چې امريکا یانو ته به ورکول کيږي پر مهال يې نړيوال او کورني غبرګونونه را وپارول خو اوس تازه د امریکا د بهرنیو چارو وزارت د بايډن د غيري انساني پريکړې ننګه کړې او ځان يې پر حق ګنلی.
د امريکا د بهرنيو چارو وزارت وياند نيډ پرايس وويل چې د سپټمبر د ۱۱ پيښې قربانیان د تالبانو خلاف دعوه لري او دا موضوع به فډرال محکمې ته ليږدول کیږي.
د پرايس په خبره چې د پيسو د‌ لیږد دا طرحه لانه ده بشپړه شوې او داسې طرحه باندې کار کيږي چې دا پيسې به افغانستان ليږدول کيږي ولې د‌ تالبانو او داسې نورو ډلو چې بنديزونه پرې لګيدلي بايد‌ لاس ته ونه لويږي.
تالبانو د‌ بايډن له لوري د افغانستان د‌کنګل زيرمه شويو پيسو د نيمي کولو په هکله غبرګون وښود او دا يې سمه پريکړه و نه بلله.
دا پريکړه په نړيواله او سيمه ييزه کچه وغندل شوه ولې يوازې پاکستان وو، چې د امریکا د دې پريکړې ملاتړ يې وکړ او ویې ویل چې تر نن ډوډۍ نيمه ډوډۍ هم ښه ده.
چین وويل چې د نړۍ تر ټولو شتمن هېواد د نړۍ په کچه له تر ټولو بېوزله هېواد څخه غلا کوي.
پر ټولنیزو رسنیو باندې هم د بايډن د غيري انساني پريکړې په هکله عامو افغانانو هغه ته د غله‌ او ظالم خطاب وکړ او و يې غوښتل چې بايد امريکا بيرته خپله پریکړه وا خلي.
د امريکا د بهرنيو چارو وزارت له تازه توجيح او غبرګون څخه داسې ښکاري چې امریکا به حتمي دا پيسې امریکایانو ته ورکوي.
آمریکا چې د نړۍ په کچه ځان د بشر حقونو مدافع ګني له افغانانو څخه دا پيسې پر داسې مهال بيلوي چې هر افغان د لوږې سره مخ او د راپورونو له مخې که دا بحران همداسې ادامه پيدا کړي نو زیات کسان همدا لوږه ووژني

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro