fbpx

پر پاکستان د هند بل ګوزار، اوبه يې پرې بندې کړې

نن یو ځل بیا هندي چارواکو ویلي دي  چې د خپلو ختیځو  سیندونو پنځه لکه او ۳۰زره ایکړه اوبه یې په پاکستان بندې کړي دي د دوی پر وینا دا اوبه به نور له دې وروسته په هند کې زیرمه کېږي.

د هند داوبو د چارو وزیر ارجن میګوال  نن رسنیو ته ویلي چې  هند د ختیځو سیندونو ستلیج،بیاس او راوي څخه تر اوسه دغه اوبه راګرځول شوي دي چې په راجستان او پنجاب کې به ترې ګټه واخیستل شی.

د پاکستان او هند ترمنځ د اوبو شخړه زړه به زړه ده هند وایې زمونږ یو دریځ دی چې د خپلو سیندونو اوبه په کومه توګه کاروو مونږ پورې اړه لري دواړه هېوادونه یو تړون هم لري چې د هغې په صورت کې به اوبه نه راګرځول کېږي خو هند وایې هغې تړون ته په کتو مو دا ډول عمل کړی دی.

پاکستان د هند دې سخت ګوزار ورکولو په تړاو رسمآ څه نه دي ویلي. خو پاکستانۍ رسنۍ بیا وار له مخې وارخطا دي دوی هند  په دې تورن کړی دی چې د هند او پاکستان د شوی تړون خلاف یې دا ډول عمل کړی دی.

د هند او پاکستان اړیکي تر بل هر وخت په سخت پړاو کې قرار لری د دواړو لورو ترمنځ وروستۍ جګړې هغه وخت را منځته شوې کله چې پاکستان کې مېشت جیش محمد وسله والې ډلې  په هندي ځواکونو په کشمیر کې ځانمرګی برید وکړ.

د پاکستان او هند ترمنځ د وروستي کړکیچ له امله دواړه لورو پر یو بل د بریدونو لړۍ هم پیل کړې ویل کېږي چې له دې وړاندې د هند سمندري ځواک د پاکستان اوبو ته هم  وراوښتي و.

د پاکستان سمندري ځواک ادعا کړې وه چې د هند د اوبو لاندې ځواکونه په غیر قانوني توګه د دوی اوبو ته ورغلي و چې مخه یې نیول شوې ده.

 څه وخت وړاندې هند په ځوابي برید کې د کشمیر  د مخامخ جګړو ترڅنګ هندي ځواکونو د پاکستان په بالاکوټ سیمه کې د جیش محمد وسله والې ډلې  تر ۲۵۰ تنو غړي د جنګي الوتکو په واسطه هم ووژل.

پاکستان بیا دا ادعا رد کړې وه او ویلی و چې د هند هوایې ځواک په یوه دښته کې بمونه غورځولي او په تېښته بریالي شوی خو هند بیا وایې چې د ثبوتونو سره مو د یادې ډلې غړي وژلي.

د دواړو لوریو ترمنځ وخت ناوخت اوس هم په کشمیر کې مخامخ جګړې کېږي چې دواړه خواوې پکې زیانونه ګوري.