fbpx

هلمند کې پر یوه خبریال بمي چاودنه شوې

 

تیر ۲۰۱۸ میلادي کال هم د افغان خبریالانو په وړاندې سم کال نه وو په دې کال کې هم چاودنو جګړو او ډیری نورو ستونزو خبریالان ځپلي وو.

نن د هلمند ولایت کې د یوې بمي چاودنې په ترڅ کې د نثار احمد احمدي په نوم یو سمه یییز خبریال په نښه شوی او چاودنه پرې شوې.

ښاغلي نثار احمد احمدي په محلي کچه هلمند ولایت د سباون په نوم د راډیو  ټلویزیون سره د خبریال په حیث کار کاوه، تراوسه پوري د احمدي د روغتیا حالت په هکله مالومات نشته خو ویل کیږي چې هغه د هلمند روغتون عاجل واټ کې تر درملنې لاندې دی.

د هلمند ولایتي مسؤلین د پیښي  پخلی کوي خو نور مالومات نه ورکوي چې  پیښه څنګه رامنځ ته شوې ده ددې  ولایت د اړیکو مسؤل ښاغلي زاهد اتل ومنله چې پيښه رامنځ ته شوې خو  له نورو مالوماتو ورکولو يې ډ ډه وکړه.

مالومات ښيې چې ددې خبریال ويل کېږي  پر موټر چاودنه د چسپکي ماين له امله رامنځته شوې ده، مخکې له دې چې دی پوی شي موټر کې يې ماین ځای پرځای شوي او چاودنه يې کړې.

د لښکرګاه ایمرجنسي روغتون کې اوس  مهال احمدي تر درملنې لاندې دي خو  د روغتیا په هکله يې پوره مالومات نه و رکول کیږي خو یوه شرچینه وايي چې په چاودنه کې د احمدي یوه پښه د زیاتو زخمونو له کبله پرې شوې

پرښاغلي احمدي د چاودنې مسؤلیت تراوسه چا پرغاړه نه دی اخیستی.

هلمند ولایت کې امنیت يې ډاډمن نه دی تردامهاله پکښي د خبریالانو په وړاندې زیاتي ستونزې موجودي دي تردې وړاندې هم په بمي چاودنه کې د نعمت الله زهیر په نوم یو خبریال په چاودنه کې وژل شوی وو.

ولې خبریالان په نښه کیږي له رسنیو څخه د دفاع بنسټونه او نور بې طرفه نهادونه دا ډول کړنې د بیان ازادۍ په وړاندې جګړه او جنایت بولي دولت تل د خبریالانو  د ساتنې او مصؤنیت په هکله خبرې کوي خو تراوسه توانيدلي نه دي