د اکراين د جګړې څلورمه ورځ او د ۲۵ هیوادونو پوځي مرستې

خبريال ويب پاڼه/ اکراين باندې د روسيې د يرغل څلورمه ورځ پيل شوې چې تراوسه د راپورونو له مخې يوازي يو ښارګوټی روسي ځواکونو نيولی او په کيف کې د دوی ترمنځ مقابله روانه ده.
د اکراين ولسمشر زلنسکي پټ مقاومت او د خپل هېواد پر ساتلو ټينګار کړی، اوس يو شمېر اروپايي او غربي هېوادونو د اکراين مرستې ته را دانګلي او ورسره پوځي مرستې کوي.
په دې هېوادونو کې امريکا، کاناډا، برتانيا او د اروپايي اتحاديې يو شمېر غړي هېوادونه دي چې ټولو توافق کړی تر څو له اکراين سره نظامي او تجهيزاتي مرستې وکړي.
بن والاس د بریتانیا دفاع وزیر دا غونډه جوړه کړې او له اکراين سره د مرستې توافقات شوي دي.
په دې مرستو او همکاریو کې وسلې مهمات او ټانک ضد راکيټونه او بشري مرستې شاملي دي چې اکراين به يې ترلاسه کړي.
اولاف شولتز د جرمني لومړي وزير وويل چې دوی به د ناټو له تسحيلاتي مرکز څخه د ار پي جي ۱۰۰۰ راکيټونه کې د ټانک ضد دي او همدارنګه ۵۰۰ سټينګر د الوتکو ضد توغندي چې له ځمکې هوا ته فير کيږي ډير ژر اکراين ته ورکړي.
په همدې ترتيب هالنډ ۲۰۰ سټينګر توغندي بلجيم، ۳۸۰۰ ماشيندار وسله او د سون تنونه توکي اکراين ته ورکوي.
د اکراين ولسمشر ويلاديمير زلنسکي پرون له امريکا او نورو هېوادونو وغوښتل چې له دوی سره د وسلو او مهماتو مرسته وکړي ولې دی له هېواده څخه هیڅ وخت تېښته نکوي
تراوسه پوري د ۱۹۶ اکراينيانو د وژلو او سلګونه نورو د ټپي کيدلو راپورونه ورکول شوي، د اوکراين پوځ ادعا کړې چې د روس پوځ ته يې درنه مرګ ژوبله اړولې د دوی د ادعا پر بنسټ تراوسه يې ۳۵۰۰ سرتيري وژلي او همدومره يې ژوبل کړي دي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More