تښتيدلی صالح ادعا کوي: د پنجشېر حصارک کې تالبانو ته درنه مرګ ژوبله اوښتې

خبريال ویب پاڼه/ د پخواني ولسمشر لومړي مرستيال امرالله صالح ويلي چې د مقاومت ډلې په پنجشير کې تالبانو سره درنه جګړه کړې او د دې ولایت په حصارک سېمه کې يې تالبانو ته درنه مرګ ژوبله اړولې د ده په وينا چې د دوی ژوبل اوس هم په ۴۰۰ بستريز او ايمرجنسي روغتون کې پراته دي.
د صالح د دې ادعا په هکله تراوسه تالبانو څه نه دي ويلي.
په ورته وخت کې له پنجشېر څخه سيمه ييزې سرچينې وايي چې تالبانو لومړی د مقاومت ډلې پر يوه مرکز برید کړی او بيا وروسته جګړه رامنځته شوې.
صالح او مقاومت
تښتيدلی امرالله صالح چې د جګړې په درشل یوازي يو ساعت هم په افغانستان کې پاتي نشو اوس هره ورځ پر پرديو اوږو لګیا دی او ګواښونه کوي هره ورځ د تالبانو د له منځه وړلو او هغوی ته د صدمې رسولو ګواښ کوي خو رښتيا خبره داده چې صالح له هېواده تښتيدلی او چيري پټ دی.
د پنجشير د امنیت په هکله اندېښنې
د هوا په ګرمېدو سره د افغانستان په زیاتو ولايتونو کې د نا امنیو د رامنځته کيدلو ويره موجوده ده که څه هم د پخوا په پرتله اوس افغانستان له نسبي امن څخه برخمن دی خو د افغانستان له شمالي او يو شمېر نورو ولايتونو څخه اندېښنې دادي چې هلته جګړې زور اخیستی او بريدونه زيات شوي دي.
د اوس لپاره همدا د مقاومت ډله او په يو شمېر ولایتونو کې د داعش وسلوالو شتون لوی ګواښونه دو خو تالبانو ډاډ ورکړی چې د ګواښونه به له منځه وړي
هغوی ګاونډيو هېوادونو ته هم پر نړيوال سټېج ډاډه ورکړ چې د دې هېواد خاوره به د هيڅ هېواد په وړاندې استعمال نه شي

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro