fbpx

طالبانو په بادغیس کې ۵۸ افغان سرتېري له بنده ازاد کړل

طالبانو نن په یوې رسمي اعلاميه کې ويلي  دي چې ،د خپل مشرتابه په امر يې همدا نن د بادغيس مرغاب ،کې  ۵۸ تنه افغان سرتيري له بند څخه آزاد کړي دي. ویل کېږي  چې دغه سرتيري روانه اونۍ طالبانو  نيولي وو.

د بادغیس ولایت سیمه اییز چارواکي وایي د دې ولایت په بالامرغاب ولسوالۍ کې له دوه اوونۍ راهیسې د طالبانو او افغان امنیتي سرتېرو ترمنځ پراخه جګړه روانه ده او اوس هم یاده ولسوالۍ د طالبانو تر محاصرې لاندې ده.

د دې جګړو د تلفاتو په تړاو ویل شوي و چې تر ۵۸ افغان سرتېري طالبانو ته تسلیم شوي و چې نن طالبانو ۵۸ تنه سرتېرې بېرته ازاد کړل ویل کېدل چې تر ۶۰ تنو ډیر نور پولیس ترکمنستان ته په تېښته بریالي شوي و چې تېره ورځ د ولسمشر او بهرنیو چارو وزارت په هڅو بېرته هېواد ته راستانه شو.

بل پلو د افغانستان پخواني جمهور رئیس حامد کرزي په یوې اعلامیه ویلي چې د طالبانو د اسلامي تحریک دغه عمل په هېواد کې د سولې د تأمین لپاره نېک اقدام بولم  او هرکلی یې کوم.

همداراز پخوانی جمهور رئیس د افغانستان له حکومت څخه غواړي چې په هېواد کې د جنګ د ختمولو، د سرتاسري سولې د تأمین او د افغانستان د خلکو ترمنځ د اتحاد او اتفاق د لا ټینګښت لپاره له بند څخه د طالبانو د بندیانو په آزادولو سره خپل حسن نیت څرګند او د سولې له روانو مذاکراتو ملاتړ ښکاره کړي.

Loading...