جنتي چارواکي او دوزخي ملت

خبریال ویب پاڼه / د افغانستان اوسني چارواکي له خپل ملت/ افغانانو سره داسې چلند کوي چې ګواکې دوی جنتيان او هغه څوک چې ط/البانو نه وي هغوی ټول د اسلام له دايرې وتلي بولي او د هيڅ ډول مشورې او رایې حق نه ورکوي که د دوی خوښه وه کار کولای شي که نه د دوی په خبره د هیڅ ډول امتياز حق نه لري.

هر ط/الب چارواکی په دې باور دی چې په افغانستان کې شل کاله د امريکا او متحدینو له خوا داسې تبلیغات شوي ډیری عام افغانان د اسلام له ډیرو امورو سرغړونه کوي. ط/البان باور لري چې هر څه کیږي هغه کارونه چې د دوی په فکر اسلام ورته وایی بايد ټول افغانان يې ومني .

نه یوازي په دینې امورو کې ط/البان د افغانانو رایې او خوښې ته ارزښت نه ورکوي بلکي په سياسې، اجتماعي او د دولت په په ټولو چارو کې ځان مافوق بولي ، داسې فکر کوي چې دوی د هرې برخې عالمان دي او په هر څه پوهیږي .

د ط/البانو له اميرالمومنین نه رانیولي تر يوه عادي چارواکي پورې هيڅوک حق نه لري چې له هغه پوښتنه وکړي، له پيله تر اوسه د چارواکو په ټاکو کې له هیڅ چا نه رايه او خوښه نه ده اخيستل شوي. ط/البان په افغانانو حکومت کوي خو د هغوی خوښه او غوښتنه بيا نه مني د هغوی رايې ته په سپکه ګوري. جالبه بیا دا ده چې د خپلو ټولو فرمانونو په عملی کولو افغانان مکلف هم ګڼي. حال دا چې دوی د ولس په خوښه او رایي نه دي ټاکل شوي خو ځان بیا داسې معرفي کوي چې دوی د ولس له منځه او ولس ټاکلي .

ط/البانو ته ځکه ځان جنتيان ښکاري او نورو روته دورخيان ښکاري د دوي په فکر نور هم خلک هم بايد د دوزخ له لمبو خلاص کړي. ط/البان دا د ځان اسلامي او انساني مسوليت بولي او د دوی په اصطلاح دا کار د خواږوي له مخې کوي او نه غواړی خپل افغانان يې پیا په هغه دنیا کې د اور په سرو لمبو کې وسوځي. ط/البان خپل هر کار ته د اسلامي حکم بڼه ورکوي او دوی وایې چې د اسلامي شریعت له مخې د ولس د يوه حاکم په توګه دوی مکلف دي د دوی د خپل فکر زيږنده اسلام پر خلکو عملي او پلی کړي.
خو دې ته يې پام نه ده چې په افغانانو يې اوسني ژوند په دوزخ بدل کړی دی، افغانان د لوږې فقر بې روزګارۍ له لاسه ځان وژنه کوي.

حال دا چې ط/البان د اسلام له اموامر په ښکاره سرغړونه کوي، داسې فرمانونه د اسلام په نامه پر خلکو عملي کوي چې له اسلام سره په سخت ټکر کې. ط/البان په خپلو کړنو د اسلام د مبارک دين توهين او سپکاوی کوي.

که حقيقت ته څوک وګوري په حقیقت کې ط/البان دوزخيان او مظلوم افغانان جنتيان دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More

instagram volgers kopen volgers kopen buy windows 10 pro buy windows 11 pro