پښتين: کابل ته تللي جرګه د ولس نه، بلکې د پوځ استازي دي

خبريال ویب پاڼه/ د پښتون ژرغورنې مشر منظور پښتین په خپلو ورستیو څرګندونکو کې ويلي دي چې له پاکستانې ط/البانو سره د مذکراتو لپاره تللي جرګه د ولس استازي نه بلکي د پاکستاني پوځ په غوښتنه او استازيتوب کابل ته تللي دي.

د پښتون ژرغونې غورځنګ مشر منظور احمد پښتين له مشال راډيو سره په مرکه کې وویل: کابل ته د قبایلي مشرانو په نامه تللي جرګه د وزیرستان د خلکو استازیتوب نه کوي بلکې د هغه په خبره ياده جرګه د پاکستان په غوښتنه او د مذاکراتو لپاره ټاکل شوي خلک د پاکستان د پوځ استازيتوب کوي.

منظور پښتین زیاتوي د پاکستاني پوځ او ټي ټی پې په جګړه کې تر ټولو زیات تاوان د وزیرستان خلکو لیدلی په زرګونو خلک په شهیدان ، زخمیان او بې کوره شول. خو اوس يې فیصله د پاکستان پوځ او ټی ټي پې کوي هغه زياتوي چې په ياده جرګه د ولس له استازو هیڅ چاته اجازه نه ده ورکړل شوي .

له تیرو څو ورځو په کابل د ط/الب ملیشو په منځکړتوب د پاکستاني ط/البانو او پاکستاني پوځ تر منځ د سولي خبري اتري رواني دي .
چې په یادو مذاکراتو کې له کرښې هغې غاړي هم ځينې پښتانه مشرانو ګدون کړی دی.
ياد پلاوی له څو ورځو راهیسې د کابل په سرینا هوټل کې میشت دي.
د راپورونه له مخې پاکستاني ط/البانو او د پاکستانی پوځ تر منځ تر نا معلومي مودې پورې اوربند وشو.
د ټي ټي پي له شرطونو څځه تر ټولو مهيم هغه یې د پاکستاني پوځ له زندانونو څخه د هغوی د ټولو غړو خوشي کول په قبایلي سمیو کې د شرعت نافذيدل دي.

حتی داسي هم ويل کيږي چې پاکستاني ط/البان به د سولي له کولو وروسته د افغانستان شمال ته لیږدول کیږي او هلته به خپل مرکزونه جوړوي ..

د يادولو وړ ده چې د پاکستاني پوځ او پاکستاني ط/البانو تر منځ خبري اتري ډيره په پټه تر سره شوي حتی د پاکستان ملکي حکومت هم پرې نه دی خبر.
د پاکستان د پارلمان غړو انديښنه ښودلي وه چې که د پاکستان ملکي حکومت په خبرو کې ښکيل نشي د يادو خبرو پايلې به دوی او پاکستاني ولس ته د منلو نه وي.

له هغه وروسته د پاکستان او ټي ټي پي تر منځ خبري چټکې شوي چې د يادې ډلې له خوا په يوه میاشت کې پر پاکستاني پوځ څو پرلپسې مرګوني بريدونو تر سره شول د يادو بريدونو په ترڅ کې تر ۲۰۰ زيات پاکستاني پوځیان هلاک شوي وو.

 

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More