د پاکستان تر کنټرول لاندې کشمیر کې 9 پاکستاني پوځیان وژل شوي

د پاکستان تر کنټرول لاندې کشمیر کې د پاکستانیو پوځیانو ټرافیکي پېښه کړې چې نهه پوځیان په کې مړه شوي او څلور نور ټپیان دي.

دا پېښه نن مازدیګر مهال رامنځته شوې، د نړیوالو رسنیو د راپورونو پر اساس د پاکستاني پوځیانو د کاروان یو حامل لارۍ په باغ ولسوالۍ کې چې د مانګ ماجري ته روان وو په لوړه لار کې یوې درې ته وغورځېد چې په پېښه کې نهه پوځیان وژل شوي او څلور ټپیان شوي دي.

د پاکستاني پوځ چارواکو د نوم نه ښودلو په شرط رسنیو ته خبرو کې ویلي چې د لارۍ د غورځېدو پر مهال د موټر چلوونکي په ګډون اووه تنه وژل شوي وو خو د ټپیانو له ډلو هم دوه تنو په روغتون کې ساه ورکړې.

د پاکستان تر کنټرول کشمیر تر ډېره غرنۍ ساحې لري او وخت نا وخت په کې ورته سختې ترافیکي پېښې رامنځته کیږي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More