طالبانو د رسنیو د شکایتونو او سرغړونو کمېسیون پرانیست

د طالبانو د اطلاعاتو او فرهنګ وزارت د رسنیو د تخطۍ یا شکایتونو او سرغړونو کمېسیون پرون رسماً پرانیست.

د رسنیو د شکایتونو او سرغړونو کمېسیون پرون لومړۍ غونډه وکړه او ټینګار یې وکړ چې د افغان رسنیو ټولې ستونزې او شکایتونه به د یاد کمېسیون له لار تعقیبږي اړ رسېدګي به ورته کیږي،رسنۍ او خبریالان هم کولی شي خپلې ستونزې او شکایتونه له کمېسیون سره شریک کړي.

د دغه کمېسیون تشکیل له اړونده دولتي چارواکو او رسنیزو بنسټونو له استازو شوی خو امکان لري تشکیل یې په راتلونکي کې بدلون ومومي.

د افغان رسنیو استازو او رسنوالو د یاد کمېسیون په جوړېدو خوښي ښودلې او له طالبانو یې غوښتي چې د دوی اړوند استخباراتي ادارې، امر بالمعروف او نهی عن المنکر وزارت او نورې ادارې دې په رسنیزو چارو کې لاسوهنه نه کوي.

دا په داسې حال کې ده چې د طالبانو په حکومت کې رسنیو او خبریالانو ته د دوی له لوري ډېرې ستونزې جوړیږي او رسنیزو او د رسنیو ملاتړو بنسټونو د طالبانو له حکومت د یاد کمېسیون د جوړولو لپاره بار بار غوښتنې کړې وې.

د طالبانو په یو کلني حکومت کې افغان رسنۍ د تېرو شلو کلونو په پرتله له ډېرو ستونزو سره مخ دي او فعالیتونه یې کم رنګه شوي. افغانستان د راز اوس مهال په نړۍ کې د بیان ازادۍ له اړخه په ډېر ټیټ مقام کې هم راغلی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More