طالبانو ته خبرداری؛ د فېسبوک حسابونه به یې وتړل شي

د میټا یا فېسبوک ادارې خبر ورکړی چې په فېسبوک کې به د طالبانو او د طالبانو اړوندو کسانو حسابونه یا اکونټونه وتړي.

میټا په یو نوي خبرداري کې ویلي چې دوی به ډېر ژر د طالبانو د نومونو، عکسونو، د طالبانو اړوندو خبر خپرونکو او ګواښ ورکونکو حسابونه به وتړي.

میټا همدارنګه د ترهګریزو اړوند یو شمېر حسابونه هم تړلي دي.

میټا څو میاشتې وړاندې هم د طالبانو اړوند د فېسبوک او اسټګرام یو شمېر حسابونه او پاڼې تړلې وې. چې طالبانو د میټا ادارې پر دې کار نیوکه کړې وه او دا یې د بیان ازادۍ خلاف بللی وو

افغانستان کې د طالبانو حکومت د پیل سره په خواله رسنیو کې هم د طالبانو او د دوی د ملاتړو حسابونه او فعالیتونه زیات شوي دي.

دغه فعالان د طالبانو په ګټه او ملاتړ خپرونې کوي او ځینې وختونه هم خپل فکري مخالفین ګواښي.

د هېواد ځینو ولایتونو کې طالبان ځوانان د فېسبوک او ټوېټر په پوسټونو ښکنځي، ګواښي او وهي ان ځینې ځوانان د خپلو فېسبوک پوسټونو له کبله د طالبانو له لوري وژل شوي هم دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More