اسیا جام نن د افغانستان او سریلانکا په لومړۍ لوبه پیلیږي

د اسیا جام نن د دوبۍ د کرېکټ نړیوال سټډیوم کې د افغانستان او سریلانکا په لوبه پیلیږي.

افغان ملي لوبډله چې له لسو ورځو را په دې خوا دوبۍ کې په تمریناتو بوخته وه او د اسیا جام لپاره یې چمتووالی نی ه، نن ماښام شپږ نیمې بجې به د سریلانکا خلاف د لوبې لپارا میدان ته راوځي.

سږ کال د اسیا شل اوریز جام کې د افغانستان په ګډون، هند، بنګله دېش، پاکستان، سریلانکا او هانګ کانګ ملي لوبډلې د یو بل پر وړاندې لوبیږي.

د اسیا شل اوریز جام ای ګروپ کې هند، پاکستان او هانګ کانګ مخامخ کیږي او په بي ګروپ کې افغانستان، بنګله دژش او سریلانکا د یو بل پر وړاندې لوبیږي.

هره لوبډله به په خپل ګروپ کې دوه۔دوه لوبې کوي او دوه۔دوه لوبډلې به له هر ګروپ نیمه پای لوبې ته لار پیدا کوي.

د یادونې وړ ده چې افغانستان تېر اسیا جام سیالیو کې هم د خپل ګروپ دواړه ډلې په جدول کې لاندې کړې وې.

د افغان ملي لوبډلې لوبډلمشري د محمد نبي عیسی خېل په غاړه ده او مرستیالي ورسره د نړۍ نامتو توپ اچوونکی راشد خان کوي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More