افغانستان بنګله دېش ته په ماتې ورکولو سره د اسیا جام دویم راونډ ته ووت

د افغانستان کرېکټ ملي لوبډلې د اسیا جام سیالیو لړ کې په خپله دویمه لوبه کې بنګله دېش ته د اوو وېکټو په توپیر ماتې ورکړه.

د یادې لوبې پچه افغانستان وګټله او لومړی یې د ډګر ساتنې پرېکړه وکړه، لوبه نن ماښام شپږ نیمې بجې پیل شوه او د بنګله دېش لوبډلې د شلو اورونو په لوبولو سره افغانستان ته 128 منډې هدف کېښود.

افغانستان ملي لوبډلې د یاد هدف په تعقیب درې لوبغاړي له لاسه ورکول او د نجیب الله ځدراڼ او ابراهیم ځدراڼ په چټکې توپ وهنې سره یې په 19م اوور کې هدف پوره کړ.

د دې لوبې په ګټلو سره افغانستان د اسیا جام دویم راونډ ته ووت. تمه شته چې د افغانستان ملي لوبډله به اسیا جام کې هند او پاکستان ته ماتې ورکولی شي.

افغان ملي لوبډلې تر دې وړاندې د اسیا جام او په لومړۍ لوبه کې سریلانکا ته هم په ستر توپیر ماتې ورکړې وه.

اسیا جام کې د افغان لوبډلې د ښو لوبو کولو له امله د کرېکټ نړیوالو شننونکو پام دې لوبډلې ته را اوښتی. د ډېرو په خبره چې افغان لوبډله د پخوا په پرتله ډېره پیاوړې شوې او کولی شي د اسیا جام قوي لوبډلو ته ماتې ورکړي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More