پاکستان د ترهګرو ځاله؛ د ناروې اوسلو ښار کې برید کوونکی پاکستان کې پټ دی

د ناروې حکومت وایي، د دې هېواد په اوسلو ښار کې برید کوونکی چې د داعش ډلې اړوند دی په پاکستان کې پټ شوی دی.

د ناروې حکومت د شبهاز شریف له حکومت غوښتي چې د داعش ډلې یاد برید ګر عرفان قدیر بهټي دې ژر تر ژره پیدا او ونیسي.

بریدګر قدیر عرفان بهټي د امریکا او اسرایلو په سفارت د برید پلان جوړوونکی هم وو، اوس د ناروې حکومت ویلي چې بریدګر په اسلام اباد کې اوسیږي.

په تېره جون میاشت کې د ناروی په پلازمینه اوسلو کې د یو ترهګریز برید پر مهال دوه تنه په ډزو ووژل شول او ۲۱ تنه نور ټپیان شول.

اوس د ناروې حکومت د بریدګر په توګه په عرفان قدیر بهټي هم شکمن دي خو دا یې نه دي ویلي په برید کې د بهټي رول څه وو خو وایي چې نوموړی پاکستان کې پټ دی چې حکومت یې باید ژر تر ژره ونیسي.

دا په داسې حال کې ده چې د پاکستان لومړي وزیر شهباز شریف د ملګرو ملتونو کلنۍ غونډه کې د وینا پر مهال ویلي وو چې افغانستان نه د ترهګرو د ګواښه په اړه اندېښنه لري، اود نړۍ مشهورې ترهګرې ډلې په افغانستان کې دي.

پاکستان تل په افغانستان د ترهګرو ډلو د پاللو تور لګوي حالانکه د نړۍ مشهور ترهګریز بریدونه له پاکستان پلان کیږي او بریدګر یې هم په پاکستان کې اوسیږي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More