د پاکستان مالیې وزیر له دندې استعفا وکړه او پر ځای یې په فساد تورن شخص وزیر وګومارل شو

په ګاونډ هېواد پاکستان کې د سیاسي بدلونونو په درشل کې دا ځل د مالیې وزیر مفتاح اسماعیل د پاکستان د اقتصادي وضعیت د خرابولي له کبله استعفا وکړه.

د وروستیو ویجاړونکو سېلابونو له امله سخت شوي اقتصادي بحران ته په کتو سره هغه پنځم د مالیې وزیر شو چې له څلورو کلونو څخه په کمه موده کې استعفا کوي.

اسماعیل د یکشنبې په ورځ په یوه ټویټ کې وویل: “ما په شفاهي توګه د مالیې د وزیر په توګه استعفا ورکړه.” هغه زیاته کړه چې هغه د هیواد لومړي وزیر شهباز شریف ته د یوې غونډې په ترڅ کې خپل پلانونه لاسلیک کړل. هغه زیاته کړه: “زه به پاکستان ته له رسېدو سره رسمي استعفا وړاندې کړم.”

اسماعیل او شریف دا مهال په لندن کې دي او ټاکل شوې چې راتلونکې اونۍ پاکستان ته ستانه شي.

د مفتاح اسماعیل پر ځای د اسحاق ډار د وزیر معرفي کېدو راپورونه ورکول کیږي.

اسحاق ډار باندې په تېرو وختونو کې د پراخ فساد تورونه موجود دي او دوسیه یې لا هم محکمه کې روانه ده.

نوموړی د فساد دوسیې لرلو د وېرې له کبله لومړی سعودي او بیا انګلېنډ ته وتښتېد، څو ورځې وړاندې یې هم محکمې د نیولو امر د اکټوبر تر اوومې وغځاوه خو اوس ویل کیږي چې د پاکستان د مالیي وزیر په اوګه معرفي شوی.

پاکستان اوس مهال له سخت اقتصادي بحران سره مخ دی او له نړیوالو ډېر قلض داری هم دی خو د خپلو اقتصادي بوجونو د سپکولو لپاره نور قرض ته هم اړتیا لري.