پر اقتصادي فعالیتونو د کرونا ویروس سیوری

خبریال وېب پاڼه/ د ترکمنستان د ګازونل لیکې او د کاسا زر پروژې کارونه له خنډ سره مخ دي

د کرونا ویروس په افغانستان کې د سیمه اییزو سترو اقتصادي پروژو کارونه له ځنډ سره مخ کړي دي.

د ترکمنستان د ګازو نل لیکې او د کاسا زر پروژې له هغو مهمو اقتصادي پروژو څخه دي چې کارونه یې ځنډول شوي دی او یا یې کارونه په سستۍ سره روان دي.

د ښار جوړولو او ځمکو وزارت وايي، د ټاپ پروژې د ځمکو استملاک او د مالکیت حق ثبتېدو کار د کرونا ویروس له امله په سستۍ سره روان دي او تر اوسه په هرات ولایت کې د دې پروژو مسیر کې د ښاریانو دولس نیم زره جریبه ځمکې استملاک شوي دي.

په سیمه کې د تر ټولو سترې پروژې یعنې ټاپې پروژه چې د ترکمنستان ګاز افغانستان، پاکستان او هند ته لېږدوي د عملي کار پیلېدل یې د کرونا ویروس د لا خپرېدا د مخنیوي له امله سوکه والي سره مخامخ شوي دي.

دغه پروژه چې د افغانستان په خاوره کې د هرات ولایت څخه پیلیږي، اوس د کرونا ویروس له امله، د یادې پروژې د لارې په اوږدو کې د خلکو د ځمکو استملاک بهیر له سوکه والي سره مخ کړی دی.

د کانونو او پټرولیم وزارت ویاند عبدالقدیر مطفي وایي، د کرونا ویروس به د دغې پروژې د پرمختګ کار ته زیان ورسوي.

د ځمکو او ښارجوړولو وزارت شمېرې ښیي، چې تر دا مهاله د هرات په ولایت کې د ټاپې پروژې د لارې په اوږدو کې د خلکو د ځمکو د استملاک چارې، دولس نیم کیلو متره استملاک شوې، هغه شمېره چې د کرونا ویروس خپرېدا څخه مخکې، هم همدا ډول وه او د ځمکو په استملاک کې هېڅ بدلون نه دی راغلی.

کاسا زر، د انرژۍ په برخه کې د سیمې په کچه دویمه ستره پروژه ده چې د کرونا ویروس خپرېدا له امله ستونزو سره مخ شوې ده.

دغه پروژه چې عملي کار یې د تېر کال په کب میاشت کې د سروبي ولسوالۍ څخه پیل شو،ۍد قرغزستان او تاجکستان برېښنا افغانستان او پاکستان ته لېږدوي.

د برېښنا شرکت وایي د قرنطین پیلېدو سره، د افغانستان په خاوره کې د دوو اوونیو لپاره یې د ستنو د لګولو کار ودریدو، خو له یوې اوونۍ راهیسې، بیرته د کندوز، پنجشیر او ننګرهار ولایتونو کې یې د ستنو د جوړېدو چارې پیل شوي دي.

د کابل او نورو ولایتونو برېښنا د مرکزي اسیا هېوادونو وارداتي برېښنا پورې تړلې ده.

د دغو ستنو د یوې ستنې نړیدو سره، د کابل برېښنا پرې کیږي.

تمه کیږي چې د کاسا زر برېښنا له لارې هم ۱۳۰۰ میګاواټه د قرغزستان او تاجکستان برېښنا پاکستان او افغانستان ته ولېږدول شي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More