هند بهرنیو چارو وزارت: افغانانو ته مو د امنیتي اندېښنو له کبله ویزې ځنډولې دي

هند د اوږدې مودې را په دې خوا افغانانو ته د هند ځنډولې دي.

تازه د هند د بهرنیو چارو وزیر جي شنکر ویلي د امنیتي اندېښنو له کبله یې افغانانو ته د هند ویزې ځنډولې دي.

هغه په هند کې په یو تازه غونډه کې ویلي، چې تېر کال د طالبانو د حکومت له پیل سره یې په کابل کې ډیپلوماټیک فعالیت کم رنګی شو او دا د دې لامل سو چې افغانانو ته د ویزې د ورکړې پروسه له خنډونو سره مخ شي.

نوموړی وایي د ویزو ورکړه ځکه له خنډونو سره مخ شوه چې دوی د لوژیستیکي ستونزو له کبله د ویزې مراجعینو د هویت په اړه بشپړ ډاډ نه شي ترلاسه کولی خو وایي افغانان دې حوصله ولري دوی به د ډاډ ترلاسه کولو په صورت کې بیا د ویزو د ورکړې پروسه پیل کړي.

د یادونې وړ ده چې لا هم ډېر افغان زده کړیالان چې تېر کال یې تحصیلي بورسونه ترلاسه کړي وو د هند ویزو ته په تمه دي او معلومه نه ده چې کله به ورکول شي.

زده کړیالان د هند له حکومت د ویزو د ژر تر ژره ورکولو غوښتنه کوي او وایي چې زده کړې له نامعلوم برخلیک سره مخ دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More