لېز ټرس استعفا وکړه او د برېټانيا په تاريخ کې د تر ټولو کمې مودې لومړۍ وزيره شوه

د برېټانيا لومړۍ وزيرې په ناڅاپي توګه د واکمن محافظه کار ګوند له مشرۍ او لومړي وزير له څوکۍ استعفا وکړه.

ټرس په خپلو لنډو خبرو کې وويل، چې ولس سره د ماموريت پر اساس کړيو ژمنو عملي کولو کې پاتې راغلې يم اوسنیو شرایطو ته په کتو نه شم کولی نو ځکه مې پاچا ته هم له خپلې څوکۍ د استعفا په اړه احوال ورکړی.

د ليز ټرس له استعفا سره سم واکمن ګوند د لومړي وزير د څوکۍ لپاره پر ټاکنو سلا کړې او د ياد ګوند مشر به د برېټانيا لومړي وزير يا وزيره وي. خو تر څو چې لومړی وزير يا وزيره ټاکل کيږي تر هغې به ليز ټرس خپلې چارې مخ ته وړي.

ليز ټرس د برېټانيا په تاريخ کې د تر ټولو کمې مودې لومړۍ وزيره شوه چې ۴۵ ورځې د حکومت په راس کې وه.

په آغلې ټرس د خپل ګوند او ولس له خوا يې هغه وخت فشارونه زیات شول چې د اقتصاد لپاره يې نوې تګلارې اعلان کړې چې جنجالي وې او د نوموړې په واکمنۍ کې پونډ هم تر بل هر وخت ډېر را ولوېدل.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More