يو لوړپوړي طالب چارواکي لوګر کې د پخواني ولسمشر اشرف غني کور غصب کړی
د ابراهيم حقاني په نوم يو لوړپوړي طالب چارواکي د پخواني ولسمشر محمد اشرف غني شخصي کور غصب کړی.
د ښاغلي اشرف غني ورور حشمت غني په يوه وېډيويي پيغام کې ويلي چې د ابراهيم حقاني يو طالب چارواکي د دوی پلرنی کور غصب کړی.
حشمت غني څو ځل مو حقاني ته خبر هم ورکړی چې د پخواني ولسمشر کور خوشې کړي خو وايي د دوی په خبره غوږ نه دی ګرول شوی.
ښاغلي حشمت غني له طالبانو ګيله کړې چې د داسې ولسمشر چې په هېڅ راز فساد او ظلم کې يې لاس نه وو او يوازنی چې له پلاره ور پاتې وو د طالبانو نيولی.
حشمت غني وايي ابراهيم حقاني خو په پاکستان کې په ميليونونو پانګه او جایدادونه لري خو بيا هم د ده ورور پخواني ولسمشر محمد اشرف غني کور نه خوشې کوي.
نوموړی وايي ابراهيم حقاني يوازې د دوی کور نه بلکې، د ډاکټر نجيب، صبغت الله مجددي او اسدالله خالد کورونه هم غصب کړی.
طالبانو تر اوسه د حشمت غني څرګندونو ته کوم غبرګون نه دی ښودلی.
کابل په راتګ سره طالبانو د جمهوريت د پخوانيو چارواکو کورونه ونيول. که څه هم په ظاهر دا خبره کوي چې دوی د غصب مخالف دي خو خپله د دوی د لوړ پوړو چارواکو له لوري د ښو ځمکو او لوکسو کورونو غصب روان دی.
Comments are closed.