د پاکستان په پخواني لومړي وزیر عمران خان وسله وال برید بريد شوی

نن مازديګر شاوخوا څلور نيمې بجې د پاکستان په پخواني لومړي وزير عمران خان وسله وال برید شوی.

د تحريک انصاف ګوند ويلي عمران خان د پاکستان په وزير اباد سيمه کې د يوې غونډې پر مهال په پښو ويشتل شوی.

پاکستانۍ رسنۍ جیو نیوز هم په وسله وال برید کې د عمران خان د ټپي کېدو خبر ورکړی.

د جیو نیوز خبر تاييدوي چې په عمران خان برید د حکومت ضد يوه غونډه کې د وينا پر مهال شوی.

په ورته مهال د پاکستان لومړي وزير شهباز شريف په عمران خان وسله وال برید غندلی او په دې اړه يې د پلټنو غوښتنه کړې.

هغه انځورونه چې جیو نیوز او په خواله رسنیو کې خپاره شوي په کې د عمران خان روغتيايي حالت ښه ښکاري.

دا په داسې حال کې ده چې د څو ورځو راهيسي په پاکستان کې د عمران خان او د هغه د پلویانو له خوا پراخ لاريونونه شروع دي.

عمران خان ويلي وو تر هغې به له لاريونونو لاس په سر نه شي څو يې په ټاکنو کې د بيا برخې اخيستو حق نه وي ترلاسه کړی.

په دې وروستيو کې په پاکستان کې سیاسي وضعیت زښت خراب دی او په يو کال مې د لويو سياسي او اقتصادي بدلونونو شاهد وو.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More