کندهار: طالبانو د ماهیانوپه څلور لارې عملیات کړي او له منځه یې وړې ده
د شنبې په ورځ طالبانو د کندهار په دوهمه عينومېنه کې شپني عمليات کړي او د څو ساعتونو لپاره یې لاره او دوکانونه ټول بند کړي ول.
د طالبانو نظامي کسانو پر دې چوک په دوکانونو کې ټول کسان بندي کړي او د دوی د مارکيتونو سرونو ته ختلي.
تر دوه ساعته عملیاتو وروسته چې خلک له دوکانونو څخه راوځي، د عینو مېني د دولفین څلور لارې څخه څلور دولفینان ماهيان، چي دغه څلور لارې کې د فوارې لپاره جوړ شوي وه مات او پر ځای یې یوه عادي فواره نصب کړې وه.
د کندهار په عينومېنه کي دغه څلور لارې د ماهيانو په په فوارې مشهوره ده.
دغه څلور لاري د ۴۵ زره ډالرو په لګښت څو کاله مخکې جوړه شوې وه.
يو شمېر ښاریانو د ټلیفون پر کرښه خبريال ادارې ته د طالبانو دا کړنه غندلې او دا یې د ښار د ښکلا له منځه وړلو په مانا بللې ده.
پر دې څلور لاري هر مازديګر او په خاص ډول د جمعې په ورځو کي په زيات شمېر خلک د تفريح لپاره کښېني او ځيني کسان چي د نورو سيمو دلته راځي يادګاري عکسونه هم اخلي.
ان طالبان هم پر همدې څلور لارې کي سلفي تصويرونه اخلي.
طالبانو ټول هغه څلور لاري د منځه وړي، چي مجسمې ته ورته نښانونه پر جوړ شوي وي، په لومړيو ورځو کي يې د ارغنداب ولسوالۍ د بابا صاحب د مقبرې پر څلور لاري جوړ سوي درې اسونه هم نړولي ول او تر اوسه هغه څلور لاري تخريب پاته دی.
Comments are closed.