کندهار: روسیې ته د انارو صادرات پيل شول

د طالبانو د ماليې وزارت اړوند افغان کارټ دولتي شرکت له لوري روسیې هېواد ته د کندهار څخه شل ټنه انار صادريږي.

د افغان کارټ دولتي شرکت مسئول سید محمد قسیم ابراهیم وايي په روسيه کې د سوداګرو سره د غنمو، تېلو او په یو شمېر نورو برخو کې تړونونه کړي. او په خبره يې چې ډېر ژر به د همدې شرکت په مټ هېواد ته د غنمو، تېلو او نورو توکو واردات پيل شي.

د هغه په خبره، چي په لومړي اقدام کې به شل ټنه د کندهار انار ډېر ژر روسیې ته وليږي.

د کندهار د سوداګرۍ او پانګونې خوني مشر محمد صديق مهمند وايي، دوی په دې هڅه کې دي، چي د کندهار وچه او تازهه مېوه بهرنيو هيوادونو ته په معياري ډول وليږي او په صادراتو کې ډېروالی راولي.

په ورته وخت کي په کندهار کې د تازه مېوې د اتحاديې مشر حاجي نانی اغا وايي، که حکومت سوداګرو ته په ترانزيټي برخه کي امکانات برابر کړي، دوی د دې ظرفيت لري، چې په زياته اندازه مېوې په معياري ډول اماده او د هر هيواد د معيار مطابق يې ددوی تر بازارونو پوري ور ورسوي.

اوس مهال په کندهار کې د انارو تر ټولو ښه موسم دی او باغ لرونکي په زياته اندازه انار د کندهار له باغونو راټول کړي دي.

د کندهار انار د خوند او رنګ له کبله نړيوال بازار لري.

مخکې د کندهار د انارو زياته برخه پاکستان ته لېږدول کېدل خو سوداګر وايي که نورو هیوادونو ته امکانات ورته برابر شي دوی به د کيفيت له مخې لوړه درجه انار ورته ورسوي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More