زرداري: طالبانو ته مو نوره حوصله ختمه ده

د پاکستان د بهرنيو چارو وزير بلاول بوټو زرداري ويلي طالبان په رسميت نه پېژني بلکې نړيواله اجماع څاري که نړيوال يې په رسمیت ونه پیژني موږ يې هم نه پېژنو.

زرداري وايي د طالبانو لپاره نور زموږ او د نړۍ حوصله مخ په ختمېدو ده.

زرداري پرون جمعه په اسلام اباد کې خبريالانو ته په يوې غونډه کې وويل چې دوی لا هم د طالبانو لپاره هڅه کوي چې نړيوال ورسره تعامل وکړي، وايي له نړيوالو غواړو چې طالبانو سره تعامل وکړي څو افغانستان کې د بشري ناورين مخنيوي وشي.

د پاکستان د بهرنيو چارو وزير بلاول بوټو زرداري په طالبانو غږ وکړ چې له افغانانو او نړيوالو سره دې په خپلو مړو ژمنو عمل وکړي.

پاکستان له طالبانو غواړي چې د ترهګرۍ سره مبارزه، د افغانانو بشري حقونو ته درناوی او ښځو ته د زده کړو حق ورکړي چې په دې توګه به پاکستان د افغانستان پر وړاندې ښه دريځ ونيسي چې د افغانانو لپاره د نړۍ ملاتړ پيدا کړي.

دا په داسې حال کې ده چې پاکستان د طالبانو په حکومت تور پورې کوي چې ترهګرو ډلو ته يې په افغانستان کې پټنځايونه ورکړي او له هغه ځايه په پاکستان بريدونه کوي نو طالبانو د پاکستان دا ادعاوې بار بار رد کړي دي.

د طالبانو وياند څو څو ځل پاکستان ته په خپلو خبرو کې ډاډ ورکړی چې هېڅکله به د افغانستان خاوره د دوی او نورې نړۍ پر ضد استعمال نه شي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More