طالبانو په دايکندي کې ۸ ملکيان په شهادت رسولي

په دايکندي ولايت کې سيمه ايزي سرچينې وايي طالبانو د دې ولايت په سيوک شېبر سيمه کې د‌ عملياتو پر مهال د دوو کورنيو اته غړي په شهادت رسولي‌.

سرچينې وايي طالبانو چهارشنبه د شپې د دايکندي نيلي ښار کې دوه کورونه محاصره کړي وو او په څو کورونو يې عمليات وکړل.

طالبانو په دې عملياتو کې د دريو ماشومانو په‌ ګډون اته تنه وژلي او اووه يې نور له ځان سره وړي دي.

همدا راز د طالبانو په‌ دې عملياتو کې يوه ښځه او يو پنځه کلن ماشوم هم ټپيان شوي دي.

ويل کيږي دا بريد د صداقت په نوم د طالبانو د يو قومندان له خوا د خپلو سياسي سيالانو د له منځه وړلو لپاره شوی او صداقت د خپلو سياسي سيالانو د له منځه وړلو لپاره د طالبانو له ملاتړه کار اخلي.

صداقت يو له هغه جهادي قومندانانو څخه وو چې په تېر حکومت کې يې هم حقوقي دوسيې لرلې، وايي د طالبانو په حکومت کې رسمي دريځ نه لري خو د طالبانو له ملاتړ برخمن دی.

د ملګرو ملتونو د ماشومانو د ملاتړ صندوق يا يونسېف هم په دغه بريد مې د ماشومانو په وژل کېدو خواشينې ښودلې او دا کار یې غندلی دی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More