طالبانو د پاکستان له استازې حنا رباني مننه کړې چې څلور لسيزې يې د افغان کډوالو ښه کوربتوب کړی

په بهرنيو چارو کې د پاکستان د دولت وزيرې حنا کهر رباني له راغلي پلاوي سره پرون د ارګ په چهار چنار مانۍ کې د طالبانو د رياست الوزرا اداري مرستيال سره ليدلي.

د ارګ له ټوېټر پاڼې طالبانو ليکلي چې په دې ليدنه کې حنا رباني ويلي چې پاکستان د افغانستان ځمکنۍ بشپړتيا ته درناوی لري او دواړه اړخونه بايد په تېروتنو کې ښکېل نه شي.
همدا راز د طالبانو د رياست الوزرا اداري مرستيال د افغانستان او پاکستان په تاريخي، ديني او فرهنګي اړيکو نه يادونه وکړه او د دواړو هېوادونو ترمنځ د اړيکو د پراختيا او ټينګښت هيله يې وکړه.

حنا رباني د پاکستان او افغانستان ترمنځ په بندرونو کې د افغان کډوالو وروستي وضعيت ته په اشارې وويل، يو میکانیزم بايد جوړ شي چې ټولې ستونزې حل شي او د افغان بندیانو د ستونزې د‌حل لپاره ډېر وخت ته اړتيا ده.

په ورته مهال د طالبانو استازي هم له پاکستان مننه وکړه چې په څلور لسيزو کې يې د افغان کډوالو ښه کوربتوب کړی.

د طالبانو د رياست الوزرا اداري مرستيال د پاکستان نه داسې مهال مننه کوي چې له بل هر ځای په پاکستان کې افغان کډوال له ستونزو سره مخ دي، د پاکستاني پوليسو له لوري ځورول کيږي، بې عزته کيږي، شکنجه کيږي او ان زندانونو ته اچول کيږي.

دا مهال هم د پاکستان يو شمېر زندانونه له افغان کډوالو ډک دي او بې پوښتنې او بې برخلیکه په زندانونو کې پراته دي.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More