د افغانستان مشهوره پښتنه سندرغاړې مېرمن قمرګله په جلاوطنۍ کې په حق ورسېده

د افغانستان نوميالۍ پښتنه سندرغاړې مېرمن قمرګلې د ورپېښې ناروغۍ له امله د کاناډا په ټورنټو ښار کې په يو روغتون کې ساه ورکړه.

د هغه زوی ايمل زاخېل د خپلې مور د مړينې خبر تاييد کړی.

مېرمن قمرګله په آر کې د ننګرهار ولايت اصلي اوسېدونکي وه او په اووه‌ کلنۍ کې يې د موسيقۍ ډګر ته پل کېښود. او ډېر ژر د خپل کلي، ولسوالۍ، ولايت او ان د افغانستان په کچه مشهوره شوه او د موسيقۍ په ډګر کې وځلیده.

د مېرمن قمرګلې لومړۍ سندره «په ما ميينه سترګې دې سرې دي- نن دې ډېر ژړلي دينه» وه چې د افغانستان ملي راډيو نه خلکو واورېده او غږ یې د ډېرو په زړونو ځای ونيو.

د قمرګلې هنر او سندرې د افغانستان د بېلابېلو پاچاهانو او ولسمشرانو له خوا بايللې شوې وې چې هغه اعليحضرت محمد ظاهر شاه، سردار محمد داود خان، ببرک کارمل او ډاکټر نجيب الله احمدزي له خوا ورته د خلکو په استازيتوب د سرو زرو مډالونه هم ورکولو شوي وو. او همدارنګه د پخواني ولسمشر حامد کرزي له خوا ورته د بلبلې لقب ورکړل شوی وو.

مېرمن قمرګله له ډیرې مودې راهیسی په کاناډا کې اوسېدله، درې لوڼې او درې زامن لري چې يو زوی يې هم د پښتو او دری ژبو ښه سندرغاړی دی.

ښايي دا مو هم خوښ شي

This website uses cookies to improve your experience. We'll assume you're ok with this, but you can opt-out if you wish. Accept Read More